भूकम्पपीडितलाई सहुलियत कर्जामा थप सुविधा

जिविकोपार्जनका लागि थप एक शिर्षकमा पनि ऋण लिन पाउने

• बैशाख २५, २०७६
• 0

सहुलियतपूर्ण ऋण लिन भूकम्पपीडितलाई थप सहज हुने भएको छ । त्यस्तै, भूकम्पपीडितले आवास निर्माणका अतिरिक्त जीविकोपार्जनका लागि थप एक कर्जा पनि लिन पाउने छन् ।

मन्त्रिपरिषद्ले सहुलियतपूर्ण कर्जाका लागि ब्याज अनुदानसम्बन्धी एकीकृत कार्यविधिमा पहिलो संशोधन गरी यस प्रकारको सुविधा उपलब्ध गराइएको हो ।

भूकम्पपीडितले निजी आवास निर्माणका लागि ऋण लिएका भएपनि जिविकोपार्जनका लागि थप एक शिर्षकमा पनि ऋण लिन पाउने भएका छन । जस अन्तर्गत व्यवसायिक कुषि तथा पशुप‌ंक्षी कर्जा, शिक्षित युवा स्वरोजगार कर्जा, विदेशबाट फर्केका युवा परियोजना कर्जा, महिला उद्यमी कर्जा, दलित समुदाय विकास कर्जा एवं उच्च र प्राविधिक तथा व्यवसायिक शिक्षा कर्जामध्ये एक शीर्षकको कर्जा लिन सक्नेछन् ।

त्यसैगरी, भूकम्पपीडितले कर्जा लिँदा राख्नुपर्ने धितोको बारेमा पनि प्रष्ट पारिएको छ। भूकम्पपीडित निजी आवास पुनर्निर्माण वा प्रबलीकरण लाभग्राहीले निजी आवास निर्माण कर्जा लिई निर्माण गर्ने वा गरिरहेको घर र सो घरले चर्चेको जग्गा धितो राखेर बैंक तथा वित्तीय संस्थाले ऋण दिनु पर्नेछ ।

त्यस्तै, भूकम्प पीडितलाई निजी आवास निर्माण गर्ने कर्जा लिनका लागि स्थायी लेखा नम्बर (प्यान) आवश्यक नपर्ने भएको छ।

सम्बन्धित शीर्षकहरु

ब्लड क्यान्सरकी बिरामी बचाउन शेर्पा दाजुभाईको आर्थिक सहयोग

आर्थिक समस्याका कारण उपचार गराउन नसकेका संखुवासभाका दाहाललाई संखुवासभा समाज अमेरिकाको सहयोग

वैदेशिक रोजगार नेवाः समाजको विद्यार्थी भुसाललाई शैक्षिक सामाग्री तथा आर्थिक सहयोग

सिन्धुपाल्चोक अन्तर्राष्ट्रिय समाजको नयाँ बर्ष शुभकामना तथा भित्तेपात्रो विमोचन

रिटर्नी फेडेरेसनमा उत्तम अधिकारीको अध्यक्षतामा नयाँ नेतृत्व

नेपालमा खाद्य गुणस्तर नियन्त्रण र व्यवस्थापनमा देखिएका चुनौति

मानव अधिकार शिक्षा बाड्दै गुणराज

सोलुखुम्बुमा बर्थिङ सेन्टर बनाउन सेभेन समिट फाउन्डेशनको ४० लाख सहयोग

हुम्लामा पुनः हिमपात‚ किसान खुशी

गृहमन्त्री खाँण मेलम्ची बाढी प्रभावित क्षेत्रमा