भरतपुरमा प्रहरी र तीनपाङ्ग्रे चालकबीच झडप

केहि प्रहरी र प्रर्दशनकारी घाइते

• साउन ९, २०७५
• 0

चितवन । भरतपुर महानगरपालिकाले मुख्य सडकमा तीनपाङ्ग्रे सवारी साधन सञ्चालनमा रोक लगाएपछि आज दिउँसो भरतपुरको केन्द्रीय बस ट्रर्मिनल चोकमा प्रहरी र तीनपाङ्ग्रे सवारीका चालकको बीचमा झडप भएको छ ।

सो क्रममा अश्रुग्यास, हवाईफायर र ढुंगामुढा हुँदा एक जना प्रदर्शनकारी र ५ जना प्रहरी घाइते भएका चितवनका प्रहरी प्रमुख प्रहरी उपरिक्षक सुशिल सिंह राठौरले बताए ।

राठौरका अनुसार तीनपाङ्ग्रेका चालकले जिल्ला प्रशासन चोकमा रहेको प्रहरी बिट जलाउने प्रयास गरेपछि आत्मरक्षाका लागि प्रहरीले १० राउण्ड हवाईफाएर र करिब ६० सेल अश्रुग्यास प्रहार गरेको प्रहरी प्रमुख राठौरले बताए ।

सो क्रममा आन्दोलनकारीले ना १६प ९४०७ नंको एउटा मोटरसाइकल जलाउनुका साथै प्रहरीमाथि ढुंगामुढासमेत गरेको उनले बताए । घटनाको विस्तृत विवरण आउन अझै बाँकी रहेको राठौंरले बताए।

दिउँसो १२ बजेबाट तीनपाङ्ग्रे सवारीका चालकले सडकमा सवारी राखेर चक्काजाम गरेका थिए । प्रहरीले सडक सञ्चालन गर्न खोजेपछि विवाद बढ्दै गएर झडप भएको हो ।

भरतपुर महानगरले पूर्व–पश्चिम लोकमार्ग, वाइपास रोड र नारायणगढ–मुग्लिन सडकमा तीनपाङ्ग्रे सवारी सञ्चालनमा रोक लगाएको छ ।

तीनपाङ्ग्रे चालकले ती मुख्य सडकमा पनि चलाउन पाउनुपर्ने माग राखेर चरणबद्ध आन्दोलन गर्दै आएका छन् । प्रहरीले अवरुद्ध सडक सञ्चालन गर्ने प्रयास गरिरहेको छ ।

सम्बन्धित शीर्षकहरु

ब्लड क्यान्सरकी बिरामी बचाउन शेर्पा दाजुभाईको आर्थिक सहयोग

आर्थिक समस्याका कारण उपचार गराउन नसकेका संखुवासभाका दाहाललाई संखुवासभा समाज अमेरिकाको सहयोग

वैदेशिक रोजगार नेवाः समाजको विद्यार्थी भुसाललाई शैक्षिक सामाग्री तथा आर्थिक सहयोग

सिन्धुपाल्चोक अन्तर्राष्ट्रिय समाजको नयाँ बर्ष शुभकामना तथा भित्तेपात्रो विमोचन

रिटर्नी फेडेरेसनमा उत्तम अधिकारीको अध्यक्षतामा नयाँ नेतृत्व

नेपालमा खाद्य गुणस्तर नियन्त्रण र व्यवस्थापनमा देखिएका चुनौति

मानव अधिकार शिक्षा बाड्दै गुणराज

सोलुखुम्बुमा बर्थिङ सेन्टर बनाउन सेभेन समिट फाउन्डेशनको ४० लाख सहयोग

हुम्लामा पुनः हिमपात‚ किसान खुशी

गृहमन्त्री खाँण मेलम्ची बाढी प्रभावित क्षेत्रमा