सभामुखले बोलाएको बैठकमा जुटेन सहमति, विपक्षीको अडान कायमै

जेष्ठ २१, २०८२
0

सभामुख देवराज घिमिरेले प्रमुख राजनीतिक दलका मुख्य सचेतक र सचेतकसँग गरेको छलफल निष्कर्षविहीन भएको छ ।

संसद सुरू हुनुअघि संसदको अवरोध खुलाउन सभामुखले राखेको बैठक निष्कर्षविहीन भएको हो । विपक्षी र सत्तापक्ष आफ्नो अडानबाट पछाडि नहट्दा सहमति हुन नसकेको हो ।

भिजिट भिसा प्रकरणमा गृहमन्त्री रमेश लेखकको नाम जोडिएपछि विपक्षीले राजीनामा दिएर मार्ग प्रशस्त गर्नुपर्ने माग राख्दै आएका छन् ।