मानव बेचबिखनको थलो बन्दै चितवन, युरोप भन्दै खाडी मुलुक पु¥याउने गिरोहसम्म सक्रिय

• शान्ता अधिकारी
• साउन २८, २०७५
• 0

मानव बेचबिखनको ओहोरदोहोर क्षेत्र (ट्रान्जिट प्वाइन्ट) मानिएको चितवन जिल्ला पछिल्लो समयमा आएर मानव बेचबिखन केन्द्र बन्न थालेको छ । प्रहरीको पछिल्लो अनुसन्धानले पनि चितवनबाट रोजगारीका लागि भारत लैजाने बहानामा मिर्गौला चोरी गरी बिक्री गर्नेदेखि युरोपेली मुलुकमा पढ्न पठाउने बहानामा भारतीय मार्ग हुँदै खाडी मुलुकमा नेपाली युवालाई बेच्ने गिरोहसम्म सक्रिय रहेको खुल्न आएको छ ।

आफैँ पीडित बनेका तर पछिल्लो समयमा मिर्गौला बिक्री गर्ने दुई जनालाई पक्राउ गरेको चितवन प्रहरीले यतिबेला युरोपेली मुलुकमा पठनपाठन र रोजगारीका लागि भनेर खाडी मुलुकमा युवा तस्करी गर्ने समूहको खोजी कार्य गरिरहेको छ । जिल्ला प्रहरी कार्यालय चितवनका प्रवक्ता (प्रहरी नायब उपरीक्षक) प्रभुप्रसाद ढकालले जर्मनी पठाउने भनेर भारतीय बाटो हुँदै ट्युनिसिया पु¥याएका चार जना युवाले प्रहरीमा उजुरी दर्ता गराएपछि यस विषयमा प्रहरीको सक्रियता बढेको बताए ।

काठमाडौ उपत्यका र आसपासका ग्रामीण क्षेत्रबाट भारतीय मार्ग हुँदै विदेश जान सहज हुन्छ भनेर मानिसहरू ल्याउने र पहिलो रात चितवनमा बास बसेपछि भोलिपल्ट भारतीय सीमा कटाउने गरेको अनुसन्धानबाट खुलेको आधारमा यसको नियन्त्रण सुरु गरिएको थियो । अब त चितवनबाट नै मानव तस्करी हुन थालेको छ ।

जिल्ला प्रहरी कार्यालयको तथ्याङ्क अनुसार आर्थिक वर्ष २०७१/७२ मा मानव बेचबिखनका छवटा मुद्दा दर्ता भएकामा आव २०७३/७४ मा नौवटा र २०७४/७५ मा १० पुगेको छ ।

चितवन प्रवेशका मुख्यमुख्य नाकामा शङ्कास्पद मानिसको पहिचान गरी अनुसन्धान गर्न प्रहरी खटिएका छन् । चितवनको माडी, मुग्लिन, भरतपुरको पुलचोक र लोथ्थर नाकामा नियमित जाँच गरिँदै आएको छ भने अन्य स्थानमा शङ्कास्पद र सुराक प्राप्त भएमा मात्र जाँच गरिँदै आएको छ ।

चितवनका प्रहरी प्रवक्ता ढकालका अनुसार यसरी गाडीमा यात्रु बनेर भारतीय क्षेत्रमा लैजाने क्रममा अधिकांश आफन्त र नातागोताका मानिस भएको खुल्न आएको छ । कतिपयले महिलालाई लैजान लागेको हो भने मेरो श्रीमती भन्ने, बालबालिका हो भने छोराछोरी भन्ने र पीडितलाई समेत त्यसै भन्न लगाउने गरेको पाइएको छ । कतिपयले बिरामी उपचारका लागि भारत लैजान लागेको भनेर गाउँमा रहेको अस्पताल र स्वास्थ्य केन्द्रको किर्तेपत्रसमेत ल्याउने गरेको अनुसन्धानबाट खुलेको छ । – गोरखापत्रबाट

सम्बन्धित शीर्षकहरु

ब्लड क्यान्सरकी बिरामी बचाउन शेर्पा दाजुभाईको आर्थिक सहयोग

आर्थिक समस्याका कारण उपचार गराउन नसकेका संखुवासभाका दाहाललाई संखुवासभा समाज अमेरिकाको सहयोग

वैदेशिक रोजगार नेवाः समाजको विद्यार्थी भुसाललाई शैक्षिक सामाग्री तथा आर्थिक सहयोग

सिन्धुपाल्चोक अन्तर्राष्ट्रिय समाजको नयाँ बर्ष शुभकामना तथा भित्तेपात्रो विमोचन

रिटर्नी फेडेरेसनमा उत्तम अधिकारीको अध्यक्षतामा नयाँ नेतृत्व

नेपालमा खाद्य गुणस्तर नियन्त्रण र व्यवस्थापनमा देखिएका चुनौति

मानव अधिकार शिक्षा बाड्दै गुणराज

सोलुखुम्बुमा बर्थिङ सेन्टर बनाउन सेभेन समिट फाउन्डेशनको ४० लाख सहयोग

हुम्लामा पुनः हिमपात‚ किसान खुशी

गृहमन्त्री खाँण मेलम्ची बाढी प्रभावित क्षेत्रमा