स्पेनिश सुपर कप : उपाधीका लागि बार्सिलोना र एथलेटिको भिड्दै, रियल म्याड्रिड सेमिफाइनलबाटै बाहिरियो
- माघ २, २०७७
- 0
साविक विजेता रियल म्याड्रिड एथलेटिको बिलबाओसँग पराजित भएको छ । आज बिहान सम्पन्न स्पेनिस सुपरकपको दोस्रो सेमिफाइनलमा एघारौंपटकको विजेता रियल म्याड्रिडलाई पछि पार्दै एथलेटिकोले फाइनलमा आफ्नो स्थानमा बनाउन सफल भएको छ ।
खेलको पहिलो हाफको नवौं मिनेटबाटै अग्रता कायम गरेको बिलबाओले खेलको ३९औं मिनेटमा दोस्रो गोल गरेपछि रियल पछि परेको हो ।
रियलका लुकासले गरेको फलका कारण बिलबाओले पाएको पेनाल्टीलाई राहुलले गोलमा परिणत गरेपछि पहिलो हाफ २-० मा रहेको थियो ।
दोस्रो हाफको ७३औं मिनेटमा रियल म्याड्रिडका करिम वेन्जेमाले एक गोल गरेपछि खेलमा लय फर्काउने प्रयास गरेपछि रियल म्याड्रिडले दोस्रो गोल भने गर्न सकेन ।
अन्तिम समयको समाप्तीसँगै खेल २-१ ले टुङ्गिएको थियो । यस खेलको विजेता उपाधीका लागि बिलबाओले अब सोमबार राती बार्सिलोनासँग फाइनलमा आमनेसामने गर्नेछ । १३ औं पटकको विजेता बार्सिलोना भने रियल सोसिडाडलाई हराउँदै फाइनलमा पुगिसकेको छ ।