जथाभावी बाटो काट्नेलाई आधाघन्टा नियन्त्रणमा राखेर ‘पढाइने’

• असार ३२, २०७५
• 0

ट्राफिक महाशाखाले जथाभावी बाटो काट्नेलाई कारवाही गर्ने भएको छ ।उपत्यकाका विभिन्न १३ स्थानमा आइतबारदेखि नै अभियान सुरु गरिएको प्रहरीले जनाएको छ ।

ट्राफिक प्रहरी महाशाखाका निमित्त प्रमुख एसएसपी वसन्त पन्तले एकमहिना सचेतना अभियान सुरु गर्न लागेको जानकारी दिए । उनले यो अभियान एकमहिनासम्म रहने र त्यसपछि पनि जथाभावी बाटो काटे कारवाही गर्ने जानकारी दिए ।

‘आइतबार १३ स्थानबाट यो अभियान सुरु भएको छ,’ उनले भने, ‘आकाशे पुल प्रयोग नगर्ने, जथाभावी बाटो काट्ने र लेन मिच्नेलाई पहिलो सचेतना अभियान सुरु गर्दैछौं । जथाभावी बाटो काटे केहीबेर नियन्त्रणमा राखेर क्लास पनि लिन्छौं ।’

‘यात्रुलाई जथाभावी बाटो काट्दा कस्ता कस्ता दुर्घटना हुन्छन् जानकारी गराउने हो,’ ललितपुर ट्राफिक प्रमुख सीताराम हाछेथु भन्छन्, ‘हामीले सर्वसाधारणलाई जेब्राक्रसबाट मात्रै बाटो काट्न अनुरोध गर्छौं । जथाभावी काटे आधाघन्टा सँगै राखेर क्लास लिन्छौं ।’
प्रहरीले यसअघि पनि अघिल्लो वर्ष यस्तै अभियान जारी राखेको थियो । अघिल्लो वर्ष प्रहरीले जथाभावी बाटो काट्नेलाई २ सय जरिबाना तिराएको थियो ।

उपत्यकामा हरेक वर्ष ४० प्रतिशतभन्दा बढी पैदलयात्रु सडक दुर्घटनाबाट मृत्यु भएको भन्दै महाशाखाले यातायात व्यवस्था ऐन, २०४९ को दफा १३६ र १३७ को अधिकारलाई प्रयोग गरी कारबाही प्रक्रिया अगाडि बढाएको हो ।

सम्बन्धित शीर्षकहरु

ब्लड क्यान्सरकी बिरामी बचाउन शेर्पा दाजुभाईको आर्थिक सहयोग

आर्थिक समस्याका कारण उपचार गराउन नसकेका संखुवासभाका दाहाललाई संखुवासभा समाज अमेरिकाको सहयोग

वैदेशिक रोजगार नेवाः समाजको विद्यार्थी भुसाललाई शैक्षिक सामाग्री तथा आर्थिक सहयोग

सिन्धुपाल्चोक अन्तर्राष्ट्रिय समाजको नयाँ बर्ष शुभकामना तथा भित्तेपात्रो विमोचन

रिटर्नी फेडेरेसनमा उत्तम अधिकारीको अध्यक्षतामा नयाँ नेतृत्व

नेपालमा खाद्य गुणस्तर नियन्त्रण र व्यवस्थापनमा देखिएका चुनौति

मानव अधिकार शिक्षा बाड्दै गुणराज

सोलुखुम्बुमा बर्थिङ सेन्टर बनाउन सेभेन समिट फाउन्डेशनको ४० लाख सहयोग

हुम्लामा पुनः हिमपात‚ किसान खुशी

गृहमन्त्री खाँण मेलम्ची बाढी प्रभावित क्षेत्रमा