पत्रकार तामाङले निर्देशन गरेको वृत्तचित्रले जापानमा अवार्ड जित्यो

मंसिर १२, २०७८
0

पत्रकार मानछिरिङ तामाङले निर्देशन गरेको “इन्फेक्टेट एब्रोड २०१९” अर्को नयाँ वृत्तचित्रले जापानमा अवार्ड जित्न सफल भएको छ । जापानको टोकियो शहरमा नोभेम्बर २१ देखि २३ सम्म आयोजित टोकियो फिल्म अवार्ड महोत्सवमा छोटा उत्कृष्ट वृत्तचित्र अवार्ड जित्न सफल भएको छ ।

यो वृत्तचित्रमा कोभिड–१९ बाट बाँचेका निर्देशक तामाङको कथाको वरिपरि घुमेको छ । मार्च २०१९ को तेस्रो हप्तामा, घातक कोरोनाभाइरस न्यूयोर्कमा व्यापक रूपमा फैलिरहेको थियो। यो एक जीवित आत्मकथा हो, जो आफ्नो परिवारबाट टाढा थिए । कथाले तामाङ विदेशमा हुँदा र कोभिड–१९ बाट पीडित हुँदा परिवारका सदस्यहरूबीचको सम्बन्धलाई चित्रण गरेको छ ।

मानछिरिङकी श्रीमती लिलीमाया तामाङ, छोरा मिङ्मार र छोरी लोप्साङसँग काठमाडौंको थानकोटमा बस्छिन् । मानछिरिङले पहिलो पटक सन् १९९८ मा आफ्नी श्रीमतीलाई भेटे र सन् १९९९ मा उनीहरूले विवाह गरे । मार्च २०१९ मा मानछिरिङ तामाङलाई कोभिड १९ बाट सङ्क्रमण भएको थियो ।

न्युयोर्कमा एक्लै जीवन र मृत्युबीच लडिरहेका तामाङलाई नेपालमा फर्केर आफ्नो परिवारसंग बिताएका क्षणहरुको गहिरो याद आयो। धेरै रात छरपष्ट भयो, आँसुले भरियो, तर जीवन छ जबसम्म आशा छ। यसले परिवारका सदस्यहरूबाट हजारौं माइल टाढा हुनुको पीडा र भावनात्मक समर्थन, माया, स्नेह परिवारले कसरी दिन्छ भन्ने कुरा व्यक्त गर्दछ। परिवारको महत्त्व र एकअर्काको साथमा रहँदा पाउन सकिने माया र साथलाई तामाङको वृत्तचित्रबाट झल्कन्छ ।

परिवारको माया र समर्थनले कठिन समयमा मानिसहरूको मनोबल बढाउन भूमिका खेल्छ। वृत्तचित्रका मुख्य पात्र तथा निर्देशक मानछिरिङलाई संसारका विभिन्न ठाउँ घुम्न मन लाग्छ । उनलाई परिवारको धेरै समर्थन छ, र उनी धेरै खुसी छन् । चलचित्रले कोभिड महामारीबाट परिवार कत्तिको प्रभावित भएको छ र उनीहरुको मनोबल कति खस्किएको छ भन्ने कुरालाई समेटेको छ । कोरोनाको लडाइँ जितेर मानछिरिङ परिवारलाई भेट्न नेपाल गएका थिए । त्यसबेला कुनै शब्दले उनको खुशी व्यक्त गर्न सकेन । दुस्ख र पीडाको समयमा परिवारको महत्त्व सबैका लागि उदाहरण बन्न सक्छ । वास्तवमै मुटु छुने र दर्दनाक उक्त वृत्तचित्रले दर्शकलाई भावुक बनाउने निर्देशक तामाङको भनाई छ ।

परिवारका सदस्यहरूले कसरी एकअर्काको मनोबल बढाउन सक्छन् र कसरी संसारमा प्रेम भन्दा ठूलो अरू केही छैन भनेर देखाउन खोजेको तथा संसारभरका आम नेपाली र आप्रवासी युवाहरू जो आफ्नो परिवारबाट टाढा बस्छन् उनीहरुको कथालाई समेटेको तामाङले बताए।

स्मरणीय छ, यसअघि पनि पत्रकार तामाङले भेडी गोठालो सम्बन्धी डकुमेण्ट्री बनाएका थिए, जस्ले अमेरिकाका विभिन्न राज्यहरुमा आयोजित फेस्टिवलहरुमा सहभागी भै विभिन्न अवार्डहरु जितेका थियो । प्रवासमा रहेर पनि तामाङले नेपाली मौलिक संस्कृतिको सम्वर्द्धनमा टेवा पुर्‍याउने काम गर्दै आएका छन् ।