नेपालसँग टी–२० सिरिज खेल्न बंगलादेश आउने, तीन खेलको तालिका सार्वजनिक

• भदौ ३१, २०८३
• 0

काठमाडौं, भदौ ३१ । नेपाल र बंगलादेशबीच तीन खेलको टी–२० अन्तर्राष्ट्रिय सिरिज हुने पक्का भएको छ। नेपाल क्रिकेट संघ (क्यान) र बंगलादेश क्रिकेट बोर्ड (बिसिबी) को संयुक्त पहलमा आगामी मार्चमा सिरिज आयोजना हुन लागेको हो।

सिरिजका तीनवटै खेल कीर्तिपुरस्थित त्रिवि क्रिकेट मैदानमा हुनेछन्। पहिलो खेल मार्च २६, २०२७, दोस्रो खेल मार्च २८ र तेस्रो खेल मार्च ३० मा हुनेछ।

नेपाल र बंगलादेशबीच हुने यो सिरिज हालै नेपालमा आएको विनाशकारी बाढी तथा विपद्का क्रममा ज्यान गुमाएका व्यक्तिहरूको स्मृतिमा समर्पित गरिने भएको छ।

क्यानका अनुसार सिरिजलाई केवल क्रिकेट मैदानमा हुने प्रतिस्पर्धाका रूपमा सीमित नराखी नेपालको समग्र क्रिकेट विकासका लागि दीर्घकालीन सहकार्यको आधारका रूपमा अघि बढाइनेछ।

सहकार्यअन्तर्गत बंगलादेश क्रिकेट बोर्डले नेपालको महिला क्रिकेट, उमेर समूहको क्रिकेट तथा क्षमता अभिवृद्धिका कार्यक्रममा सहयोग गर्नेछ।

त्यस्तै, भविष्यमा नेपाल ‘ए’ टोलीको भ्रमण तथा द्विपक्षीय ‘ए’ टोलीका कार्यक्रमलाई समेत प्रोत्साहन गर्ने विषयमा सहकार्य हुने जनाइएको छ। यसबाट नेपाली खेलाडीले अन्तर्राष्ट्रिय स्तरको प्रतिस्पर्धात्मक अनुभव हासिल गर्ने तथा खेलाडी विकासमा सहयोग पुग्ने अपेक्षा गरिएको छ।

बाढीको पीडाबीच क्रिकेटको मैदानमा नेपाल र बंगलादेशबीचको यो सिरिज खेलकुदसँगै सहकार्य र ऐक्यबद्धताको सन्देश दिने कार्यक्रमका रूपमा समेत अघि बढ्नेछ।

सम्बन्धित शीर्षकहरु

नेपालसँग टी–२० सिरिज खेल्न बंगलादेश आउने, तीन खेलको तालिका सार्वजनिक

डेविड वार्नर एनपीएलका लागि काठमान्डु गोर्खाजमा आबद्ध

एसीसी प्रिमियर कपको उपाधि जित्दै नेपाल एसिया कपमा छनोट

ओमानलाई हराउँदै नेपाल एसीसी प्रिमियर कपको फाइनलमा

एसीसी प्रिमियर कपमा नेपालको लगातार दोस्रो जित

रवीन्द्र ढाँट रोड टु युएफसी सिजन–५ को फाइनलमा

नेपाली मूलका आर्यब अष्ट्रेलियन फुटबलमा स्थान बनाउन सफल

विश्वकपमा हारपछि भावुक बने मेस्सी, अर्जेन्टिना फुटबल संघले भन्यो,‘तपाईंका आँसु हाम्रा पनि हुन’

अर्जेन्टिनालाई पराजित गर्दै स्पेनले जित्यो विश्वकपको उपाधि

१८ वर्षअघि यामालसँगको तस्वीरबारे मेस्सीले भने– फाइनलमा प्रतिस्पर्धा गर्दैछौँ, अविश्वसनीय छ