गाउँपालिका राष्ट्रिय महासङ्घमा पोखरेल सर्वसम्मत चयन

• फाल्गुन ८, २०७५
• 0

गाउँपालिका राष्ट्रिय महासङ्घ प्रदेश नं ३ कमिटीको अध्यक्षमा दोलखाको तामाकोशी गाउँपालिकाका अध्यक्ष ईश्वरचन्द्र पोखरेल सर्वसम्मत चयन हुनुभएको छ ।

तामाकोशी गाउँपालिकाको किर्नेटारमा मङ्गलबार सम्पन्न बन्दसत्रले पोखरेललाई प्रदेश कमिटीको अध्यक्षमा चयन गरेको हो । अधिवेशनले रामेछापको सुनापति गाउँपालिकाका अध्यक्ष धावा लामालाई उपाध्यक्ष, धादिङको ज्वालामुखी गाउँपालिकाका अध्यक्ष विनोदराज तिमल्सिनालाई सचिव, सिन्धुपाल्चोकको सुनकोशी गाउँपालिकाका उपाध्यक्ष लक्ष्मी पौडेललाई सहसचिव र धादिङको ज्वालामुखी गाउँपालिकाका उपाध्यक्ष जानुका सिम्खडालाई कोषाध्यक्षमा चयन गरेको छ ।

उन्नाइस सदस्यीय प्रदेश कमिटीको सदस्यमा दोलखाको तामाकोशी गाउँपालिका–१ भीरकोटका वडाध्यक्ष महेश्वर काफ्ले, रामेछापको गोकुलगङ्गा गाउँपालिकाका अध्यक्ष खड्ग सुनुवार, काभ्रेपलाञ्चोकको भुम्लु गाउँपालिकाका अध्यक्ष गुमानध्वज कुँवर, ललितपुरको महाँकाल गाउँपालिकाका उपाध्यक्ष कमला तामाङ र सिन्धुलीको फिक्कल गाउँपालिकाका उपाध्यक्ष पार्वती सुनुवार चयन भएका छन् ।

यस्तै, रसुवाको कालिका गाउँपालिकाका उपाध्यक्ष भवानी न्यौपाने, मकवानपुरको मनहरि गाउँपालिकाका अध्यक्ष एकराज उप्रेती, नुवाकोटको तारकेश्वर गाउँपालिकाका उपाध्यक्ष तारादेवी रिमाल, रामेछापको उमाकुण्ड गाउँपालिकाका उपाध्यक्ष उर्मिला कार्की र सिन्धुलीको तीनपाटन गाउँपालिकाका अध्यक्ष कर्णबहादुर थापा प्रदेश कमिटीको सदस्यमा चयन भएका छन् ।

अधिवेशनमा प्रदेश नं ३ का १३ जिल्लाका गाउँपालिकाका अध्यक्ष, उपाध्यक्ष र गाउँकार्यपालिका सदस्यको सहभागिता थियो । गाउँपालिका राष्ट्रिय महासङ्घ प्रदेश नं ३ कमिटीका अन्य सदस्यमा सिन्धुलीको हरिहरपुरगढी गाउँपालिकाका उपाध्यक्ष अनिता राई, नुवाकोटको दुप्चेश्वर गाउँपालिकाका अध्यक्ष युविन्द्रसिंह तामाङ, नुवाकोटको ककनी गाउँपालिकाका उपाध्यक्ष सीता लामा र धादिङको बेनीघाट गाउँपालिकाका अध्यक्ष हरि डल्लाकोटी रहनुभएको छ । (रासस)

सम्बन्धित शीर्षकहरु

ब्लड क्यान्सरकी बिरामी बचाउन शेर्पा दाजुभाईको आर्थिक सहयोग

आर्थिक समस्याका कारण उपचार गराउन नसकेका संखुवासभाका दाहाललाई संखुवासभा समाज अमेरिकाको सहयोग

वैदेशिक रोजगार नेवाः समाजको विद्यार्थी भुसाललाई शैक्षिक सामाग्री तथा आर्थिक सहयोग

सिन्धुपाल्चोक अन्तर्राष्ट्रिय समाजको नयाँ बर्ष शुभकामना तथा भित्तेपात्रो विमोचन

रिटर्नी फेडेरेसनमा उत्तम अधिकारीको अध्यक्षतामा नयाँ नेतृत्व

नेपालमा खाद्य गुणस्तर नियन्त्रण र व्यवस्थापनमा देखिएका चुनौति

मानव अधिकार शिक्षा बाड्दै गुणराज

सोलुखुम्बुमा बर्थिङ सेन्टर बनाउन सेभेन समिट फाउन्डेशनको ४० लाख सहयोग

हुम्लामा पुनः हिमपात‚ किसान खुशी

गृहमन्त्री खाँण मेलम्ची बाढी प्रभावित क्षेत्रमा