ललितपुरको धापाखेलमा पहिरोले ढल्यो सिंगै घर

• अशोज १२, २०८३
• 0

ललितपुरको धापाखेलमा पहिरोले सिंगै घर ढलेको छ। सोमबार बिहान ६:३५ बजे ललितपुर महानगरपालिका-२४ धापाखेल स्थित सोबित कुमार थापाको साढे २ तले घर पहिरोले ढलेको हो।

जिल्ला प्रहरी परिसर ललितपुरका प्रवक्ता एसपी गौतम मिश्रका अनुसार अविरल वर्षाका कारण आएको पहिरोले उक्त घर ढलेर खोलामा पुगेको छ।

पहिरोका कारण खोला समेत थुनिएको छ। सो ठाउँमा आइतबारदेखि पहिरो खस्न सुरू भएको थियो।

आइतबार दिउँसो १:४० बजे घरको भुइँतलासँगै जोडिएको ट्रसले बनेको किचन २० मिटर तल खसेको थियो।

थापाका तीन जनाको परिवार बस्दै आएका थिए। पहिरिन थालेपछि आइतबार नै उनीहरू आफन्तकोमा सरिसकेकाले मानवीय क्षति नभएको एसपी मिश्रले जानकारी दिए।

घटनास्थलमा प्रहरी प्रभाग धापाखेलबाट प्रहरी सहायक निरीक्षकको कमान्डमा ४ जनाको टोली खटिएको छ।

ललितपुर महानगर प्रहरीको टोली पनि घटनास्थलमा खटिएको छ। घर ढलेपछि त्यहाँ रहेका सामानहरू महानगर प्रहरीले सुरक्षित स्थानमा सारिरहेको छ।

सातदोबाटो प्रहरी वृत्तबाट मुचुल्का टोली खटिएको एसपी मिश्रले जानकारी दिए।

सम्बन्धित शीर्षकहरु

मानव अधिकार आयोगले बोलायो एसएसपी खड्कालाई

फेरि पक्राउ परे दुर्गा प्रसाईं

आफूसहित परिवारलाई सुरक्षा थ्रेट रहेको भन्दै पूर्वप्रधानन्यायाधीश जबराले मागे सुरक्षा

हिम्लुङ हिमालमा हिम पहिरो : चार जना मृत्यु भएको पुष्टि, ११ सकुशल 

ललितपुरको धापाखेलमा पहिरोले ढल्यो सिंगै घर

नेपालमा पुनर्निर्माण र पूर्वाधारमा लगानी बढाउन एआईआईबीलाई अर्थमन्त्रीको आग्रह

अविरल वर्षाले देशभरका राजमार्ग प्रभावित, दर्जनौँ सडकखण्ड अवरुद्ध

सङ्घीय संसद्का दुवै सदनको बैठक बस्दै, यस्ता छन् कार्यसूची

मनाङको हिम्लुङ हिमालमा हिमपहिरो, करिब १२ जना नेपाली आरोही बेपत्ता भएको आशंका

मध्यराति पक्राउ परेका पूर्वप्रधानन्यायाधीस राणा ११ घन्टापछि रिहा