काठमाडौको टोखामा संचालनमा आयो अत्याधुनिक सुविधा सम्पन्न पार्टी भेन्यु ‘लर्ड प्यालेस’

माघ १८, २०७७
0

काठमाडौको टोखामा अत्याधुनिक सुविधासम्पन्न पार्टी भेन्यु ‘लर्ड प्यालेस’ संचालनमा आएको छ । कलाकार सुवास खड्कासहितको ग्रुपले संचालनमा ल्याएको लड प्यालेसको टोखा नगरपालिकाका नगर प्रमुख प्रकाश अधिकारीले रिवन काटेर उद्घाटन गरेका हुन ।

उदघाटन समारोहमा बोल्दै नगरप्रमुख अधिकारीले टोखा नगरपालिकाको परिचयलाई थप उच्च बनाउन र नगरको व्यवसायीक श्रीवृद्धिका लागि लर्ड प्यालेसले भुमिका खेल्नेमा आफु विश्वस्थ रहेको बताउँदै लर्ड प्यालेसको व्यवसायीक सफलताको कामना गरेका थिए ।

सामाखुसी नजिकै रिङरोडबाट १ किलोमिटर बाहिर उक्त क्षेत्रकै सबैभन्दा ठुलो प्यालेसकोरुपमा संचालनमा आएको उक्त पार्टी भेन्युमा २ वटा सुविधासम्पन्न मुख्य हल रहेको र विवाह, ब्रतबन्ध, पास्नी, सांगितिक कार्यक्रम, गोष्टि तथा सेमिनार, व्यवसायिक उत्पादन लन्च लगायतका थुप्रै कार्यक्रम गर्न सकिने प्यालेस संचालक समितिका अध्यक्ष समेत रहेका कलाकार सुवास खड्काले बताए ।

उनले प्यालेस परिसरमा आकर्षक स्टेज, फोटो तथा भिडियो सुटको व्यवस्था, अत्याधुनिक म्युजिक सिस्टम, व्यवसायिक इभेन्ट म्यानेजमेन्टलगायत थुप्रै सुविधा रहेको र पार्किङका लागि यथेष्ट व्यवस्था रहेको पनि जानकारी दिए ।

उदघाटन समारोहमा चर्चित गायक–गायिका मिलन नेवार, राजनराज सिवाकोटी, लोकगायक नविन पौडेललगायतले आफ्नो धमाकेदार सांगीतिक प्रस्तुतिमार्फत दर्शकलाई भरपुर मनोरञ्जन दिलाएका थिए । उदघाटन समारोहमा चर्चित कलाकारहरु, विभिन्न क्षेत्रका व्यवसायीहरु तथा स्थानियवासीको उल्लेख्य सहभागिता रहेको थियो ।

कोभिड–१९ संक्रमणको यो जटिल अवस्थामा पनि उदघाटन समारोहमा सहभागी भएर हौसला दिने सबैप्रति आभार प्रकट गर्दै लर्ड प्यालेसका अध्यक्ष खडकाले आगामी दिनमा व्यवसायीक र सामाजिक कार्यलाई थप विस्तार गर्दै लैजाने बताए ।

खडकाले यस अघिनै सामाखुसीमा स्काई रेष्ट्रो व्यांकेट एण्ड हेल्थ क्लब र धुम्बाराहीमा स्काईजोन पार्टी प्यालेस संचालनमा ल्याइसकेका छन निकट भविष्यमै सिंहदरवार पश्चिम गेट नजिकै, ललितपुर र भक्तपुरमा नयाँ पार्टी प्यालेस संचालनको तयारी गरिरहेका छन ।

सम्बन्धित शीर्षकहरु