मन्त्री विष्टलाई मलेसिया रोजगारी ‘तातो दुध निल्नु न ओकल्नु’

news-details

झण्डै ६ महिना बन्द भएको पहिलो रोजगारी गन्तब्य मलेसिया अव खुल्ने आशामा बसेका नेपालीहरु अझै अन्योलमा छन् । भिषा लागेका तथा कलिङ भिषा आएकाहरुलाई समेत हेक्का नराखी एक्कासी मलेसिया रोजगारी बन्द गरेका श्रम तथा रोजगार मन्त्री गोकर्ण विष्टले लामो संघर्षपछि मलेसियासँग श्रम सम्झौता त गरे तर अहिले उनलाई यही सम्झौता ‘तातो दुध निल्नुन ओकल्नु’ भएको छ ।

एक्कासी कुटनैतिक पहलविना नै मलेसिया रोजगारी बन्द गरेपछि खुलाउनका लागि चौतर्फी दवाव खेपेका मन्त्री विष्टले मलेसियाका मानव संशाधन मन्त्री एम कुला सेगरनसँग हतारमा सम्झौता गरेर खोक्रोरुपमा त वाहवाही कमाए तर अहिले उनी आफै भने विलखबन्दमा परेका छन् । मलेसियासँग श्रमसम्झौता गरेको १५ दिन नाघिसक्दासमेत मलेसिया रोजगारी नखुल्दा विदेश जान चाहने हजारौै युवाहरुमा निराशा छाएको छ ।
‘विना लागतमा मलेसिया रोजगारी खुल्यो भन्ने सामाचार दिन हतार गर्ने मन्त्री विष्ट १५ दिन नाघिसक्दा के हेरेर बसिरहेका छन्’ विदेश जाने चक्करमा राजधानीमा बसिरहेका संखुवासभाका देवीबहादुर खत्रीले आक्रोष पोखे ।

हतारमा मलेसिया बन्द गरेर चुकेका मन्त्री अहिले अपुरो सम्झौता गरेर झन फसेको जानकारहरु बताउँछन् । कामदार पठाउने र कामदारका पक्षमा गरिएको सम्झौता सही भएपनि आफैले कारवाही गरेका संस्थाबाट नै कामदार पठाउन मलेसियाले भनेपछि मन्त्री विष्ट झन अफ्ठ्यारोमा परेका हुन् । अहिले मन्त्री विष्ट आफुले कारवाही गरेका संस्थालाई पन्छाई आफु निकट व्यवसायीलाई सुम्पिएर सोही प्रकृया स्थापित गर्ने दाउमा रहेको मन्त्रालय स्रोतको भनाई छ ।

अहिलेको अवस्था भनेको जग्गा पास गरेर धनीपूर्जा हात पारिसकेपछि टेक्निकल टिमलाई लिएर जग्गा खोज्न निस्केजस्तो भएको छ । नयाँ बोतलमा पुरानै रक्सी हाल्नु थियो भने किन सम्झौता गर्नु ? प्रश्न उठ्न थालेको छ ।

‘मलेसियासँग सम्झौता गर्नु राम्रो पक्ष हो तर सोही प्रकारका संस्था स्थापित भयो भने मन्त्रीज्यूले नैतिकताका आधारमा राजिनामा दिनु पर्छ’ लोकतान्त्रिक वैदशिक रोजगार फोरमका अध्यक्ष हंशराज वाग्लेको भनाई छ ।

मलेसियासँग रोजगारी खुलाउने शर्तमा हस्ताक्षर गर्दासमेत यति लामोसमयसम्म नखुल्दा दुई देशबीचको सम्बन्धमा दरार उत्पन्न हुन सक्ने खतरा झन बढेको छ । यसले गर्दा मन्त्री विष्ट झन चंगुलमा फसेका छन् ।

यता मेनपावर व्यवसायीको छाता संगठन नेपाल वैदेशिक रोजगार व्यवसायी संघले समेत सम्झौता अपुरो भएको र व्यवसायीलाई मान्य नहुने बताउँदै आएको छ । ‘दुई देशबीच भएको सम्झौता ‘दालमा कुच काला’ भनेझै किन अहिलेसम्म सार्वजनिक गरिएको छैन’ संघले आवाज उठाउँदै आएको छ । मेनपावर व्यवसायीलाई साथमा नलिई सरकारले कसरी कामदार मलेसिया पठाउन सक्ला त्यो भोलिका दिनले नै बताउने छ ।

हुन त मन्त्री नेपालमा नै सबैलाई रोजगार दिने ध्याउन्नमा छन् ।

सम्बन्धित शीर्षकहरु

4 प्रतिक्रिया

4 thoughts on “मन्त्री विष्टलाई मलेसिया रोजगारी ‘तातो दुध निल्नु न ओकल्नु’

  1. पहिलो पटक श्रमिकका पक्षमा नेपालको शिर ठाडो हुने गरी मन्त्री विष्टले गरेको सम्झौता वैदेशिक रोजगारीमा नेपाली श्रमिकलाई ठग्दै लुटको स्वर्ग खडा गरेकाहरुलाई नपच्नु स्वाभाविक हो । आज विश्वमा मानव श्रम सर्वाधिक मूल्यवान बन्दैछ । सीमित व्यक्तिको स्वार्थका लागि झुकेर श्रमिक पठाउन जरुरी छैन । मलेसियालाई जनशक्ति र नेपाललाई रोजगारी चाहिएको हो । आजको जमानामा श्रमिक पठाउनेले स्वाभिमान झुकाउन जरुरी छैन । मन्त्री विष्टले श्रमिकको हित र देशको स्वाभिमानका लागी चट्टानी अडान राखेका छन । तर केही प्रायोजितको नूनको गुन तिर्ने समाचार आम नागरिकले बुझिसकेका छन ।

  2. मलेसिया रोजगारीमा नेपाली गरिब ठगेर खान नपाएकोमा दलालहरु रुवाबासी गरेकाछन ।

  3. सकारात्मक रुपमा बुझ्नु पर्यो हामी नेपालीको त बानी नै भैसक्यो खाली आलोचना मात्र गर्ने।

  4. गरिब नेपाली को पसिना मा लूट को खेती गर्दै पर्देशी को खुन पसिना खान पायनौ भन्ने दलाल हरुका खुट्टा मुनि बाट जमिन खिस्केको छ। ए लूट को खेती गर्ने हरु अब त सुध्रिनु नर्क मा नि ठाउ पाउदैनौ कति खान्छौ गरिब को पसिना 😈😈

Leave a Reply

Your email address will not be published. Required fields are marked *