कोरियामा एनआरएनए उपाध्यक्षद्वय शर्मा र श्रेष्ठ, नेतृत्व मध्यपुर्वले पाउनु पर्नेमा सबैको जोड
- रोजगारमञ्च
- भदौ २१, २०८०
- 0
गैरआवासीय नेपाली संघका उपाध्यक्षद्वय राजेन्द्रकुमार (आरके) शर्मा र रोविन्दप्रसाद श्रेष्ठ (गोविन्द) दक्षिण कोरिया पुगेका छन् ।
उपाध्यक्षद्वयलाई एनआरएनए दक्षिण कोरियाले स्वागत गर्दै एनआरएनए अभियान र भावी नेतृत्वका विषयमा अन्र्तक्रिया कार्यक्रम गरेको छ ।
एनआरएनएको अध्यक्षको दावेदारी गर्दै विश्व दौडाहमा निस्केका शर्मा दक्षिण कोरियामा रहेका नेपालीसँग भेटघाट तथा छलफल गरेका छन् । उनीसँगै अर्का उपाध्यक्ष श्रेष्ठ जापानबाट कोरिया पुगेका हुन्, उनले आगामी कार्यकालका लागि उपाध्यक्ष पदमा नै उम्मेदवारी दिने घोषणा गरेका छन् ।
छलफलका क्रममा एनआरएनएको इतिहाँसमा सबै रिजनबाट नेतृत्व लिइसकेको अवस्थामा आगामी कार्यकालका लागि मध्यपुर्वले नेतृत्व पाउनु पर्नेमा सबै एकमत भएका छन् । एनआरएनए कोरियाका अध्यक्ष बुद्धि गुरुङसहित कार्यसमिति तथा अन्य संघसंस्थाका अगुवाहरुको उपस्थितिमा उपाध्यक्षद्वयसँग छलफल कार्यक्रममा एनआरएनए एकताको अवस्था, भावी नेतृत्व तथा कोरियामा रहेका नेपालीहरुका मुद्धाहरु उठेका थिए ।
सोही क्रममा मध्यपुर्व र दक्षिण कोरियामा रहेका नेपालीहरुका मुद्धा एकै भएकाले एनआरएनएमार्फत संवोधन गर्न आफु अगाडि बढेको शर्माको भनाई थियो ।
अध्यक्षका प्रत्यासी शर्माले कोरियामा रहेको नेपाली श्रमिक, विद्यार्थी तथा नेपाली दाजुभाई दिदीबहिनीका भोगाई,सिकाई, समस्या तथा संभावनाका बारेमा धेरै बुझ्ने मौका मिलेको र भोलिका दिनमा समस्या न्यूनीकरण तथा अन्य संभावना उजागरका लागि आफु अहारात्र लाग्ने प्रतिबद्धता जनाएका छन् ।
शर्माले भनेका छन्–‘सम्बृद्ध नेपाल बनाउन दक्षिण कोरियामा रहेका नेपालीहरुले यहाँ सिकेको सीप र प्रविधि र पुँजी भित्राउन आतुर हुनुहुन्छ यसमा हामीहरू सहकार्य गरेर अगाडि बढ्ने छौँ ।’
कोरियामा रहेका नेपालीहरुसँगको भेटघाटपछि उपाध्यक्ष शर्मा हङकङ प्रस्थान गरेका छन् । आगामी सेप्टेम्बरको अन्तिम साता काठमाडौंमा अध्यक्ष पदका लागि औपचारिक उम्मेदवारी घोषणा गर्ने उनको तयारी छ ।
0 प्रतिक्रिया
अरुण बरुण सहकारी संस्थाको मातातिर्थ औंसी मनाकामनाको वृद्धाश्रममा
अरुण बरुण बहुउद्देशीय सहकारी संस्था लिमिटेडले मातातिर्थ औंसी संखुवासभास्थित मनाकामना धामको वृद्धाश्रममा रहेका वृद्धवृद्धा तथा त्यहाँ अवस्थित गुरुकूलका बटुकहरुलाई खाद्यन्न […]
सेयर बजार परिसूचक घट्यो, फाइनान्स उपसमूहको भने अस्वाभाविक बढोत्तरी
साताका दुई दिन लगातार दोहोरो अंकले घटेर लगानीकर्तालाई निराश पारेको सेयर बजारमा मंगलबार सामान्य सुधार थियो । बुधबार बजार ०.२१ […]
संवैधानिक परिषद विधेयकमा सत्ता गठबन्धन दलहरुबीचमै मदभेद
सञ्चार तथा सूचना प्रविधि मन्त्री रेखा शर्माले संवैधानिक परिषद् (काम, कर्तव्य, अधिकार र कार्यविधि) सम्बन्धी ऐन, २०६६ लाई संशोधन गर्न […]
‘औधोगिक विकासतर्फ अग्रसर हुन साना तथा घरेलु उद्यमशीलतालाई बढावा दिउ’
राष्ट्रपति रामचन्द्र पौडेलले मुलुकमा औधोगिक विकासतर्फ अग्रसर हुन साना तथा घरेलु उद्यमशीलतालाई बढावा दिन जरुरी रहेको बताएका छन् । बुधबार […]
घरभित्रै वृद्धा मृत फेला
झापाको बिर्तामोड नगरपालिका वडा नम्बर ४ स्थित कालिका टोलमा एकजना वृद्धा घरभित्र मृत अवस्थामा फेला परेकी छन् । ६६ वर्षीया […]
