गैरआवासीय नेपाली संघका पूर्वउपाध्यक्ष सागर नेपाललाई मातृशोक
- बैशाख ३, २०७६
- 0
गैरआवासीय नेपाली संघ अन्तर्राष्ट्रिय समन्वय परिषदका पूर्वउपाध्यक्ष सागर नेपाललाई मातृशोक परेको छ । नेपालकी आमा इन्द्रकुमारी नेपालको मंगलबार विहान ६९ वर्षको उमेरमा निधन भएको हो ।
कतारका पुराना व्यवसायी तथा सामाजिक अगुवा समेत रहेका सागर नेपालकी आमा इन्द्रकुमारी नेपाल पछिल्लो समय अस्वस्थ रहनुभएको थियो । उहाँको काठमाडौ कलंकीमा अवस्थित निवासमै निधन भएको हो ।
स्व. इन्द्रकुमारी नेपालको आजै पशुपती आर्यघाटमा अन्तेष्टि गरिएको छ । एक मात्र पुत्र रहेका सागर नेपाल कतारमै रहेकाले उनका सौतेनी आमाका छोराहरुले दागवत्ति दिएका थिए ।