अख्तियारद्वारा चंखेली गाउँपालिकाका तत्कालीन अध्यक्षसहित नौं जना उपर आरोप–पत्र दायर

• चैत्र १, २०८०
• 0

अख्तियार दुरुपयोग अनुसन्धान आयोगले नौं जना उपर गैरकानूनी लाभ तथा हानी पु¥याई भ्रष्टाचार गरेको सम्बन्धी आरोप–पत्र दायर गरेको छ ।

भ्रष्टाचारको आरोपमा जिल्ला हुम्ला, चंखेली गाउँपालिकाका तत्कालीन अध्यक्ष धनलाल चौलागाई, प्रमुख प्रशासकीय अधिकृत विष्णुबहादुर शाही, इन्जिनियर रुद्रबहादुर वली, लेखापाल धर्मवीर पल्ली मगर र सब–इन्जिनियर हर्कधन बुढामाथि आरोप–पत्र दायर भएको हो ।

गाउँपालिका वडा नं. ३ स्थित ब्याफु खानेपानी मर्मत योजनाका लागि ७४।७५ मा छुट्टाइएको रकम अनियमितता गरेको भन्ने उजुरी निवेदन सम्बन्धमा अनुसन्धानको क्रममा कसुर गरेको पुष्टि भएको प्रवक्ता नरहरि घिमिरे बताएका छन् ।

ब्याफु खानेपानी मर्मत योजनाको फिल्डमा नापी किताब बमोजिम नभए काम भएको भनी नापी किताब, कार्य सम्पन्न प्रतिवेदन र उपभोक्ता सम्बन्धी झुट्टा बिल भरपाई तयार गर्ने, चेक गर्ने, प्रमाणित गर्ने र टिप्पणीमा सही गर्ने कार्य गरी काम भएको भन्दा रु.५,१५,१०८.९७ बढी भुक्तानी लिएको पुष्टि भएको हो ।

निजहरुलाई पाँच लाख पन्ध्र हजार एक सय आठ रुपैयाँ सन्तानब्बे पैसा बिगो कायम गरी भ्रष्टाचार निवारण ऐन, २०५९ को दफा ८ को उपदफा (१) बमोजिम कैद र जरिवाना हुन एवं बिगो असुलउपर हुनसमेत मागदाबी लिइएको पनि घिमिरेले जानकारी दिएका छन् ।

सम्बन्धित शीर्षकहरु

काठमाडौंका यी स्थानमा भोलिदेखि चार घण्टा विद्युत् अवरुद्ध हुने

सुदूरपश्चिम प्रदेशका मुख्यमन्त्री सोडारीले आज विश्वासको मत लिँदै

नेपाल पत्रकार महासंघको चुनाव जेठ २६ गते हुने

यी पाँच प्रदेशमा आज चट्याङ्गसहित हल्का वर्षाको सम्भावना

सय रुपैयाँको नोटमा चुच्चे नक्सा राख्ने सरकारको निर्णय

परीक्षा दिएर फर्किरहेकी छात्रामाथि झापाको दमकमा गोली प्रहार

सातै प्रदेशमा एयर एम्बुलेन्सको अवधारणा अघि सारौं : गृहमन्त्री

सरकारले प्रेस स्वतन्त्रतामाथि नियन्त्रण वा संकुचन हुन दिदैन : प्रधानमन्त्री

स्वतन्त्र प्रेसले शासन प्रणालीलाई पारदर्शी र उत्तरदायी बनाउँछ : राष्ट्रपति पौडेल

चार संसदीय समितिको बैठक आज बस्दै