इच्छाराज तामाङ सम्पत्ति शुद्धीकरण मुद्वामा दोषी ठहर
- माघ ७, २०८०
- 0
सिभिल सहकारीका सञ्चालक इच्छाराज तामाङ सम्पत्ति शुद्धीकरण मुद्दामा दोषी ठहर भएका छन ।
विशेष अदालतले उनलाई दोषी ठहर गरेको हो । विशेष अदालतका अध्यक्ष टेकनारायण कुँवर, सदस्यहरु तेजनारायण सिंह राई र मुरारीबाबु श्रेष्ठको इजलासले उहाँको सम्पत्तिको स्रोत खुल्न नसेको ठहर गरेको हो ।
उनलाई तीनवर्ष भन्दा बढी जेल सजाय हुन सक्नेछ । उनको सजाय निर्धारणका लागि अर्को पेशी राख्न आदेश पनि दिइएको छ ।
१६ भदौ २०७९ मा सम्पत्ति शुद्धीकरण अनुसन्धान विभागले इच्छाराज, उनकी पत्नी सिर्जना, दुई छोरी प्रतीक्षा र प्रतिष्ठा तथा मामाससुरा केशवराज श्रेष्ठ र मीनाकुमारी श्रेष्ठविरुद्ध सम्पत्ति शुद्धीकरणको आरोपमा मुद्दा दायर गरेको थियो ।
उनीहरुमध्ये दुई छोरी प्रतीक्षा र प्रतिष्ठाले सफाइ पाएका छन ।
सिभिल सहकारीको ठगी मुद्दामा पूर्व सांसदसमेत रहेका इच्छाराज पुर्पक्षका लागि थुनामा छन । सहकारी ठगी मुद्दा जिल्ला अदालतमा विचाराधीन छ ।