सरकार तरकारी बारीको बुख्याचा जस्तो भयो : केपी ओली

• माघ ४, २०८०
• 0

नेकपा एमालेका अध्यक्ष केपी शर्मा ओलीले अहिलेको सरकार तरकारी बारीमा राख्ने बुख्याचाजस्तो निकम्मा भएको आरोप लगाएका छन् ।

विहीबार नेपाल खेलकुद महासंघ केन्द्रीय कमिटीको दोस्रो पूर्ण बैठकलाई सम्बोधन गर्दै उनले सरकार निकम्मा मात्रै होइन भ्रष्टाचार, तस्करी, कमिसनखोरी र त्यसको संरक्षक भएको आरोप लगाएका हुन् ।

उनले भने, ‘सरकार तरकारी बारीको बुख्याचा जस्तो भयो । केही गर्न सकेन । अहिले त त्यसका टाउकामा सुगा–काग सबै बस्छन् । किनभने सबैले चिनिसके । सरकार बुख्याचा हो । केही गर्न सक्दैन् र सक्नेवाला छैन् । सरकार निकम्मा भयो । निकम्मा मात्रै भएको भए हुन्थ्यो तर भ्रष्टाचार, तस्करी, कमिशनखोरी र त्यसको संरक्षक भयो । त्यसैले हामीले मिसन ८४ पर्खिन नसक्ने अवस्था पनि आउन सक्छ ।’

उनले गठबन्धन देशका लागि हानीकारक भएको भन्दै यसले देश र राष्ट्रियतालाई कमजोर पारिसकेको बताए ।

उनले भने, ‘यीनिहरु(गठबन्धन)को घाँटी एकै ठाउँमा जोडिएको छ । एकै वंशका, एकै नश्लका र भ्रष्टचारी वंशका भए । गोत्र निकम्मा भयो । देशद्रोहीहरु सबै एकै खालका हुन्छन् र एकै स्थानमा बस्छन् । हामीले जनतासँग मिलेर देश जोगाउन आन्दोलनमा उत्रिनपर्ने र देश जोगाउनुपर्ने आवश्यकता छ । त्यो भन्दा हामीले आफूलाई सशक्त रुपमा संगठित गर्नुपर्छ ।’

यस्तै, उनले खेलको प्रशंग जोड्दै खेल खेलाडीहरुको मात्रै नभइ शारीरिक स्वास्थको लागि अनिवार्य भएको बताए । खेलाडीहरु सबैभन्दा बढि अनुशासनमा बस्ने गरेको भएपनि अहिले समाजमा अनुशासन कम हुँदै गएको बताए ।

सम्बन्धित शीर्षकहरु

सत्तारूढ दल र कांग्रेसबीच सहकारी प्रकरणमा संसदीय छानबिन समिति बनाउने सहमति

संसदको गतिरोध हट्छ, विश्वासको मत पाउँछु : प्रधानमन्त्री

संसद अवरोधप्रति सभामुख चिन्तित, अध्यादेशको बाटो खोज्न सकिने

संसद अवरोध खुलाउने विषयमा प्रधानमन्त्री सकारात्मक, कांग्रेस अडानमै

काठमाडौंको मनमैजुमा एक प्रहरी जवान मृत फेला

गृह सचिव अर्यालद्वारा अध्यागमन विभागका महानिर्देशकलाई अधिकार प्रत्यायोजन

संसद् अवरोध खुलाउन प्रधानमन्त्रीले कांग्रेससँग छलफल गर्दै

संसदीय छानबिन समिति गठन हुनुपर्नेमा प्रतिपक्षी पाँचदल एकमत

यी चार प्रदेशमा हल्का वर्षाको सम्भावना, तराईमा अत्याधिक गर्मी बढ्यो

प्रधानमन्त्रीसहित सबै मन्त्रीको सम्पत्ति विवरण सार्वजनिक गरिने