गोरखा दरबार–काठमाडौं पदयात्रामा निस्कियो नेपाली सेना

• पुस २१, २०८०
• 0

नेपाली सेनाले गोरखा दरबारदेखि काठमाडौंसम्मको पदयात्रा शुरु गरेको छ ।

पृथ्वी जयन्तीको अवसर पारेर सेनाले पृथ्वीनारायण शाहले नेपाल एकीकरणका क्रममा प्रयोग गरेका मार्गमा पदयात्राका लागि निस्किएको हो ।

गोरखा दरबारमा शनिवार आयोजित एक कार्यक्रमबीच पदयात्रामा सहभागी सेनालाई पश्चिम पृतनापती उपरथी सन्तोष बल्लभ पौडेल र गोरखा नगरपालिकाका प्रमुख कृष्णबहादुर रानाले संयुक्त रुपमा टर्च हस्तान्तरण गरेर बिदाई गरेका हुन् ।

देशभरमा छरिएर रहेका ऐतिहासिक कोट, किल्ला र पदमार्गको संरक्षण र प्रर्बद्धनका लागि सेनाले यस्ता अभियानहरु सञ्चालन गरेको सेनाका पश्चिम पृतनापती उपरथी सन्तोष बल्लभ पौडेलले जानकारी दिए ।

नेपाल सेनाका प्रथम ६ कम्पनी श्रीनाथ, कालिबक्स, पुरानो गोरख, बर्द बहादुर र सबुज झण्डा बोकेका गुरुज्यूको पल्टन, ब्याण्डसहितको टोली पृथ्वीनारायण शाहले एकीकरणका क्रममा प्रयोग गरेका मार्ग हुँदै पुस २७ गते काठमाडौं पुग्नेछन् । नेपाली सेनाले पाँच वर्ष अघिदेखि पदयात्रा शुरु गरेको हो ।

सम्बन्धित शीर्षकहरु

सन्दीप लामिछानेको मुद्धा आज पनि ‘हेर्न नमिल्ने’ मा

सरकार नागरिकको स्वास्थ्यप्रति संवेदनशील छ : प्रधानमन्त्री

नेपाल–भारत सीमानाका आठ दिन बन्द

काठमाडौं आइपुगिन् जापानकी विदेशमन्त्री योको

सन्दीप लामिछानेको मुद्दामा आज सुनुवाइ हुँदै

कञ्चनपुरमा नदीमा डुबेर दुई जनाको मृत्यु

यो वर्ष हजयात्रीका लागि साउदी अरेबियाको कडा नियम

गण्डकी प्रदेशका मुख्यमन्त्री अधिकारीले आज विश्वासको मत लिने

जापानकी विदेशमन्त्री आज नेपाल आउँदै

पहाडी भू–भागमा मेघगर्जन र चट्यासहित वर्षाको सम्भावना