तनहुँमा बस दुर्घटना हुँदा ३२ जना घाइते, तीन गम्भिर
- पुस १९, २०८०
- 0
वीरगञ्जबाट पोखरा गइरहेको बस तनहुँमा दुर्घटना हुँदा ३२ जना यात्रु घाइते भएका छन् ।
बिहीबार बिहान करिब ५ बजे वाग्मती प्रदेश ०३–००१ ख १२०६ नम्बरको बस म्याग्दे गाउँपालिका–६ मौरीबजारमा दुर्घटनामा परि ३२ जना घाइते भएका जिल्ला प्रहरी कार्यालय तनहुँका प्रवक्ता एवम् डिएसपी मोहनबहादुर खाँणले जानकारी दिए ।
घाइतेहरुमध्ये २९ जनाको तनहुँको बेलचौतारामा उपचार भइरहेको छ ।
गम्भिर ३ जनालाई थपउपचारका लागि पोखरा पठाइएको डिएसपी खाँणले बताए ।
घटनाबारे अनुसन्धान भइरहेको प्रहरीले जनाएको छ ।