काठमाडौं आइपुगे भारतीय विदेशमन्त्री जयशंकर

• पुस १९, २०८०
• 0

नेपाल–भारत परराष्ट्रमन्त्रीस्तरीय संयुक्त आयोगको बैठकमा सहभागी हुन भारतका विदेशमन्त्री डाक्टर एस जयशंकर काठमाडौं आइपुगेका छन्।

भारतबाट विशेष विमानमार्फत् आएका उनलाई त्रिभुवन अन्तर्राष्ट्रिय विमानस्थलमा परराष्ट्र मन्त्री एनपी साउदले स्वागत गरे। त्रिभुवन विमानस्थलबाट सोझै शितलनिवास पुगेर विदेशमन्त्री जयशंकरले राष्ट्रपति रामचन्द्र पौडेलसँग शिष्टाचार भेट गर्नेछन्।

त्यहाँबाट १२ बजे बालुवाटार पुगेर प्रधानमन्त्री पुष्पकमल दाहाल प्रचण्डसँग भेट गर्ने कार्यक्रम छ। दिउँसो १ बजे होटल याक एण्ड यती पुगेर जयशंकरले नेपाली समकक्षी एनपी साउदसँग भेटावार्ता गर्नेछन्। त्यसपछि उनी संयुक्त आयोगको बैठकमा सहभागी हुने परराष्ट्र मन्त्रालयले जनाएको छ।

विदेशमन्त्री जयशंकरले अपरान्ह कांग्रेस सभापति शेरबहादुर देउवा र एमाले अध्यक्ष केपी ओलीसँग छुट्टाछुट्टै भेट्ने कार्यक्रम छ। साँझ सवा ६ बजे परराष्ट्रमन्त्रीले होटल सोल्टीमा आयोजना गरेको रात्रीभोजमा जयशंकर सहभागी हुनेछन्। भोलि बिहान ८ बजे उनी पशुपतिनाथ पुग्ने र ९ बजे त्रिवि पुस्ताकालय तथा भुकम्पपछिको पुनर्निर्माण परियोजनाको उद्घाटन गर्ने कार्यक्रम छ।

दुई दिने भ्रमण सकेर उनी भोलि नै नयाँदिल्ली फर्कने परराष्ट्र मन्त्रालययले जनाएको छ।

सम्बन्धित शीर्षकहरु

कार्यादेश बनाउने बैठक निष्कर्षविहीन

‘प्रधानमन्त्रीलाई विश्वासको मत दिन्छौ’ : माधव नेपाल

अपाङ्गता भएका व्यक्तिहरुको स्वास्थ्य बिमा गराउने तयारीमा सरकार

संसदीय छानविन समिति : कार्यदलको क्षेत्राधिकारमै अलमल, साँझसम्म कार्यादेशमा सहमति हुने दावी

किशोरीलाई ‘आँखा झिम्क्याएको निहुँ’मा प्रहरी जवानको हत्या, एक नावालकसहित सात जना पक्राउ

संसदीय छानबिन समितिको कार्यादेश टुंग्याउन कार्यदलको बैठक जारी

जमुनाहा नाका आज र भोलि बन्द

संघीय संसद्का दुवै सदनको बैठक आज, कांग्रेसको अवरोध खुल्ला ?

आज पनि मेघगर्जन, चट्याङ र हावाहुरीसहित पानी पर्ने सम्भावना

सत्तारूढ दल र कांग्रेसबीच सहकारी प्रकरणमा संसदीय छानबिन समिति बनाउने सहमति