जनकपुरधामबाट अयोध्यास्थित रामदरबारमा कोसेली पठाइँदै

• पुस १९, २०८०
• 0

अयोध्यामा निर्माण राम मन्दिरको प्राणप्रतिष्ठाका लागि जनकपुरधामबाट आज भार (कोसेली) पठाइँदैछ ।

सीताको माइतीघरबाट रामको दरबारमा पठाइने कोसेलीमा ठेकुवा, भुसुवा, पेरुकिया, खजुरिया फलफूल, पञ्चमेवा, साडी, धोती ,गरगहना, पलङ, टेबुल, कुर्सी, चुल्होजस्ता सामग्री रहने बताइएको छ ।

नेपालका विभिन्न नदीहरूबाट सङ्कलन गरिएको पवित्र जलसहितको कलशलाई अभिषेकका लागि गत साता अयोध्या पठाइएको थियो ।

जानकी मन्दिर प्राङगनमा कोसेली तयारी अवस्थामा राखिएको बताउँदै जानकी मन्दिरका छोटे महन्थ राम रोशन दासले, भार लिएर आज बिहान ८ बजे जनकपुरधामबाट निस्किने कार्यक्रम रहेको बताए ।

बिहान भार लिएर जनकपुरधामको परिक्रमा गर्ने र त्यहाँबाट हुलाकी सडक हुँदै, सम्सी कन्मा, मलंगवा, सिमरौन, कलैया, गढीमाई हुँदै विरगंजमा रात्री बास बस्ने उनले बताए ,
शुक्रबार रक्सौल बोर्डर हुँदै बेतिया, गोरखपुर हुँदै अयोध्या पुग्ने बताइएको छ ।

शनिबार बिहान ९ बजे भारलाई राम जन्मभूमी ट्रष्टलाई हस्तान्तरण गर्ने र राम मन्दिर दर्शन गर्ने गरि जनकपुरका लागि फर्किने योजना रहेको उनको भनाई छ ।

सम्बन्धित शीर्षकहरु

संसदमा बोल्दै लामिछानेले भने– ‘सहकारी ठगी प्रकरणमा मेरो कहीँ कतै संलग्नता छैन’

कार्यादेश बनाउने बैठक निष्कर्षविहीन

‘प्रधानमन्त्रीलाई विश्वासको मत दिन्छौ’ : माधव नेपाल

अपाङ्गता भएका व्यक्तिहरुको स्वास्थ्य बिमा गराउने तयारीमा सरकार

संसदीय छानविन समिति : कार्यदलको क्षेत्राधिकारमै अलमल, साँझसम्म कार्यादेशमा सहमति हुने दावी

किशोरीलाई ‘आँखा झिम्क्याएको निहुँ’मा प्रहरी जवानको हत्या, एक नावालकसहित सात जना पक्राउ

संसदीय छानबिन समितिको कार्यादेश टुंग्याउन कार्यदलको बैठक जारी

जमुनाहा नाका आज र भोलि बन्द

संघीय संसद्का दुवै सदनको बैठक आज, कांग्रेसको अवरोध खुल्ला ?

आज पनि मेघगर्जन, चट्याङ र हावाहुरीसहित पानी पर्ने सम्भावना