कोरिया भाषामा अनुत्तीर्ण युवाहरुले मन्त्रीको गाडिमा लगाए आगो, बालकुमारी क्षेत्र तनावग्रस्त

• रोजगारमञ्च
• पुस १३, २०८०
• 0

कोरिया भाषा परीक्षामा अनुत्तीर्ण युवाहरुले फेरि भाषा परीक्षामा सहभागी नगराएको भन्दै प्रदर्शन गर्ने क्रममा मन्त्रीकोे गाडिमा आगो लगाएका छन् ।

कोरियाको जहाज निर्माणसम्बन्धी कामका लागि भाषा परीक्षा अनुत्तीर्ण भएकाहरूले आफूहरूलाई उत्पादनमूलक क्षेत्रको भाषा परीक्षामा सहभागी गराउन माग गर्दै ललितपुरको बालकुमारी सडकमा उत्रिएर प्रदर्शन गर्दा मन्त्रीको गाडिमा आगो लगाएका हुन् ।

बालकुमारी क्षेत्रमा आगजनी भएको गाडी भौतिक पूर्वाधार तथा यातायातमन्त्री प्रकाश ज्वालाको रहेको जनाइएको छ । उनीहरुले मन्त्री ज्वालाको बा २ झ ५८६१ नम्बरको गाडीमा आगजनी गरेका हुन् ।

एकीकृत समाजवादीका उपमहासचिव समेत रहेका ज्वाला मन्त्री क्वाटरबाट पार्टीको केन्द्रीय समिति बैठक जान हिँडेका थिए । बालकुमारी क्षेत्रमा प्रदर्शनकारीले रोकेर उनलाई बाहिर निकालि आगो लगाएको प्रत्यक्षदर्शीले जनाएका छन् ।

प्रदर्शनकारीहरुले गाडीलाई घेरा हालेपछि मन्त्री ज्वाला गाडीबाट बाहिर निस्किएका थिए । मन्त्री र पीएसओ गाडीबाट हटेपछि प्रदर्शनकारीहरुले आगजनी गरे । ‘सुरक्षाकर्मीहरुलाई ढुंगा हानेर लखेटे, अनि गाडीमा आगजनी गरे’ प्रत्यक्षदर्शी उमेश दाहालले रोजगार मञ्चलाई जानकारी दिए ।

सम्बन्धित शीर्षकहरु

जसपा फुटको संघारमा, अशोक राई नयाँ पार्टी गठन गर्दै

सन्दीप लामिछानेको मुद्धा आज पनि ‘हेर्न नमिल्ने’ मा

सरकार नागरिकको स्वास्थ्यप्रति संवेदनशील छ : प्रधानमन्त्री

नेपाल–भारत सीमानाका आठ दिन बन्द

काठमाडौं आइपुगिन् जापानकी विदेशमन्त्री योको

सन्दीप लामिछानेको मुद्दामा आज सुनुवाइ हुँदै

कञ्चनपुरमा नदीमा डुबेर दुई जनाको मृत्यु

यो वर्ष हजयात्रीका लागि साउदी अरेबियाको कडा नियम

गण्डकी प्रदेशका मुख्यमन्त्री अधिकारीले आज विश्वासको मत लिने

जापानकी विदेशमन्त्री आज नेपाल आउँदै