धनगढी बजारमा भिषण आगलागी, अस्पतालसहित ८ वटा पसलमा क्षति

• मंसिर २, २०८०
• 0

धनगढी बजारमा भिषण आगलागी भएको छ । धनगढीको मुख्य बजारमा रहेको खाद्य संस्थानको भवनमा रहेको सारथी अस्पतालसहितका पसलमा राति करिब एक बजेतिर आगलागी भएको प्रहरीले जनाएको छ ।

विद्युत सर्ट भएर आगलागी हुँदा सारथी अस्पताल, भण्डारी सुज सेन्टर लगायत ८ वटा पसलमा क्षति पुगेको जिल्ला प्रहरी कार्यालयले जनाएको छ ।

स्थानीय दलबहादुर भण्डारीले सञ्चालन गरेको सुज सेन्टरमा एक्कासी विद्युत सर्ट भएर आगलागी भएको कैलालीका प्रमुख प्रहरी उपरीक्षक (एसपी) देबेन्द्र पालले बताए । एसपी पालका अनुसार धनगढी, गोदावरी र पुर्नवास नगरपालिकाका चार वटा दमकलको सहयोगमा आगो नियन्त्रणमा लिइएछ ।

आगो नियन्त्रणका लागि जिल्ला प्रहरी कार्यालय कैलालीसहित नेपाली सेनाको तेघरी ब्यारेक र सशस्त्र प्रहरीको ३४ नम्बर गण कैलालीको टोली समेत परिचालन गरिएको थियो ।

आगलागीबाट सारथी अस्पताल र भण्डारी सुज सेन्टरसँग जोडिएका अन्य ८ वटा पसलमा समेत क्षति भएको छ । क्षतिको यकिन विवरण प्राप्त नभएको प्रहरीले जनाएको छ ।

सम्बन्धित शीर्षकहरु

कार्यादेश बनाउने बैठक निष्कर्षविहीन

‘प्रधानमन्त्रीलाई विश्वासको मत दिन्छौ’ : माधव नेपाल

अपाङ्गता भएका व्यक्तिहरुको स्वास्थ्य बिमा गराउने तयारीमा सरकार

संसदीय छानविन समिति : कार्यदलको क्षेत्राधिकारमै अलमल, साँझसम्म कार्यादेशमा सहमति हुने दावी

किशोरीलाई ‘आँखा झिम्क्याएको निहुँ’मा प्रहरी जवानको हत्या, एक नावालकसहित सात जना पक्राउ

संसदीय छानबिन समितिको कार्यादेश टुंग्याउन कार्यदलको बैठक जारी

जमुनाहा नाका आज र भोलि बन्द

संघीय संसद्का दुवै सदनको बैठक आज, कांग्रेसको अवरोध खुल्ला ?

आज पनि मेघगर्जन, चट्याङ र हावाहुरीसहित पानी पर्ने सम्भावना

सत्तारूढ दल र कांग्रेसबीच सहकारी प्रकरणमा संसदीय छानबिन समिति बनाउने सहमति