कलेज अफ एप्लाइड विजनेसले समाजको सुरक्षाको लागि भन्दै गंगाहिटी प्रहरी प्रभागलाई सिसिटिभि प्रदान गरेको छ ।
काठमाडौं महानगरपािलका वडा नम्बर ७ , गंगाहिटीमा अवस्थित कलेजले बिहीबार एक कार्यक्रमका बीच सोहि स्थानमा रहेको गंगाहिटी प्रहरी प्रभागलाई ५ थान सिसिटिभि क्यामेरा र १ थान एन भि आर जडान गरी हस्तान्तरण गरेको हो ।
हस्तान्तरण कार्यक्रममा कलेजका प्रिन्सीपल रमेश पाण्डेले कलेजले सामाजिक उतरदायित्व बहन गर्दै सिसिटिभि प्रदान गरिएको बताए । कलेज तथा प्रहरी प्रभाग वरपर सुरक्षा जोखिम रहेको बताउदै प्रिन्सीपल पाण्डेले त्यसको केहि हदसम्म समाधान होस् भनि सिसिटिभि राख्ने कार्य अघि बढाएको बताए ।
समाज, प्रहरीसँगको हातेमालो गर्दै अघि बढ्ने क्रममा कलेजले विगतमा गहना पोखरीको पानी पिउनको लागि उपयोग गर्न सकिन्छ भनि प्रयोगमा ल्याउन खोजिए पनि त्यो सफल हुन नसकेको उनको भनाई छ ।
त्यस्तै सिसिटिभि प्रदान तथा जडान कार्य प्रहरी समुदाय साझेदारी कार्यक्रम अन्र्तगतको एक अंश रहेको प्रहरी निरिक्षक रमेश शर्माले बताए । समाजमा हुने अपराध नियन्त्रणको लागि सिसिटिभि अनिवार्य भइ सकेको अवस्थामा कलेजको सहयोगले अपराध नियन्त्रणमा सहयोग पुग्ने शर्माले बताए । समाज उत्थानको लागि कलेज, समुदाय प्रहरी मिलेर अघि बढ्नु बिनाको विकल्प नरहेको उनको भनाई छ ।
कार्यक्रमका प्रमुख अतिथि वडा नम्बर ७ का वडाअध्यक्ष बिमल कुमार होडाले शासन सदैव विधिको हुनपर्छ तथा प्रहरी सदैव सेवक भई काम गर्नुपर्ने बताए ।
उनले गंगाहिटीस्थित खोलामा बच्चा फाँयक्ने, फोहोर फाल्ने , सार्वजनिक जग्गा हडपने तथा भवन निर्माण लगायतका समस्याहरु रहेको छ त्यसको सुरक्षा गर्नु आवश्यक रहेको बताए । सिसिटिभी जडान पश्चात सो क्षेत्रमा शान्ति, सुरक्षा कायम गर्न महत्वपुर्ण सहयोग पुग्ने उनेको भनाई छ ।
