बामदेव गौतमलाई राष्ट्रियसभा सदस्य बनाउने नेकपाको निर्णय, खतिवडाको पद के होला ?

• रोजगारमञ्च
• फाल्गुन १४, २०७६
• 0

सत्तारुढ नेपाल कम्युनिष्ट पार्टी (नेकपा)ले पार्टी उपाध्यक्ष बामदेब गौतमलाई राष्ट्रियसभा सदस्य बनाउने निर्णय गरेको छ । नेकपाको आज बसेको सचिवालय बैठकले राष्ट्रपतिबाट मनोनित हुने एक राष्ट्रियसभा सदस्यमा मन्त्रीपरिषदको बेठकबाट गौतमको नाम शिफारिस गर्ने निर्णय गरेको प्रवक्ता नारायणकाजी श्रेष्ठले जानकारी दिएका छन ।

यसअघि पनि गौतमलाई राष्ट्रियसभा सदस्य बनाउन नेकपाले प्रयत्न गरेकोमा गौतमले राष्ट्रियसभा सदस्यलाई प्रधानमन्त्री बन्न बाटो खुलाउने गरी संविधान संशोधन गरेमात्र आफु उक्त पदमा जाने अडान राखेका थिए । गौतमको मागबारे छलफल गर्न नेकपाले कार्यदल बनाएपनि उक्त शर्त अस्वीकार गर्दै कार्यदल खारेज गरेको छ ।

गौतमलाई राष्ट्रियसभा सदस्यमा मनोनित गर्ने नेकपाको निर्णयसँगै अर्थमन्त्री डा. युवराज खतिवडाको पद के होला भन्ने सबैलाई खुल्दुली बढेको छ । खतिवडाकै स्थानमा गौतम राष्ट्रियसभा सदस्य हुन लागेका हुन । खतिवडाको पदावदी यही फागुन २० गते समाप्त हुदैछ ।

अब संविधानले गरेको व्यवस्था अनुसार प्रधानमन्त्रीले राष्ट्रियसभा सदस्यको पदावली सकिएपनि ६ महिनाको अवधिसम्मका लागि मात्र खतिवडालाई पदमा यथावत राख्न सक्ने अवस्था बाकि छ । केहि हप्ताअघि संचारमन्त्री गोकुल बास्कोटाले राजिनामा दिएपछि उक्त जिम्मेवारीसमेत खतिवडालाई नै दिइएको थियो ।

सम्बन्धित शीर्षकहरु

अवैध सुन र एक करोड ४३ लाख नगदसहित सातजना पक्राउ

प्रधानमन्त्री र चिनियाँ टोलीबीच भेटवार्ता, नेपालमा लगानी बढाउन चिन इच्छुक

शेखर कोइरालाको प्रश्न– डढेलोको क्षति बढेको बढ्यै छ, सरकार किन यति असंवेदनशील ?

जनता समाजवादी पार्टीको कार्यकारिणी समिति बैठक बस्दै

नियमभन्दा बाहिर व्यक्तिगत सुरक्षामा खटिएका सुरक्षाकर्मी फिर्ता बोलाउन गृहमन्त्रीको निर्देशन

कक्षा–१२ को परीक्षा आजदेखि सुरु, देशभर ३ लाख ९० हजार परीक्षार्थी

आज पनि मेघगर्जन र चट्याङसहित वर्षा र हावाहुरीको सम्भावना

पूर्वमन्त्री अफताब आलमसहित चार जनालाई जन्मकैदको फैसला

नक्कली शरणार्थी प्रकरणमा टोपबहादुर रायमाझीसहित ७ जनालाई थुनामै राख्न आदेश

विद्यमान कानुनबाट सहकारी समस्या समाधान नहुने निष्कर्ष, कानुन संशोधनसहित फास्ट ट्रयाकमा जाने