सागर गैरेको नियात्रा ‘एउटा अल्बाट्रस लोकार्पण

• रोजगारमञ्च
• जेष्ठ ३१, २०८३
• 0

काठमाडौ, साहित्य, यात्रा र संस्कृतिको अन्तर्सम्बन्धलाई उजागर गर्ने नियात्रा कृति ‘एउटा अल्बाट्रस : प्रशान्त महासागरदेखि काला सागरसम्म’ को काठमाडौंमा एक विशेष समारोहबीच लोकार्पण गरिएको छ । माया पब्लिकेसन्सद्वारा आयोजित कार्यक्रममा साहित्यकार, नियात्राकार, पत्रकार तथा पाठकहरूको उल्लेखनीय उपस्थिति रहेको थियो ।

कार्यक्रममा पुस्तकका लेखक सागर गैरेले आफूले विभिन्न देशहरूको भ्रमणका क्रममा देखेका समाज, संस्कृति, इतिहास, प्रकृति र मानवीय अनुभूतिहरूलाई नियात्राको स्वरूपमा पुस्तकमा प्रस्तुत गरेको बताए । यात्रा भनेको भौगोलिक दूरिलाई पार गर्नु मात्रै नभएर आत्मअन्वेषण, संस्कृतिको अध्ययन र विश्वलाई बुझ्ने माध्यम भएको उल्लेख गरे । कोहलपुरमा बसेर लामो समयदेखि साहित्य साधनामा सक्रिय गैरेको यो कृतिमा मलेसिया, भियतनाम, भारतको गोवा, फिलिपिन्स र जर्जिया भ्रमणका अनुभवहरू समेटिएका छन् । पुस्तकमा प्रशान्त महासागरका किनारादेखि युरोप–एसियाको संगम क्षेत्र मानिने काला सागर आसपासका भू–भागसम्मको यात्रालाई लेखकले संवेदनशील र कलात्मक ढंगले प्रस्तुत गरिएका छन् ।

नियात्राकार युवराज नयाँघरेले पुस्तकले नेपाली नियात्रा साहित्यमा नयाँ ऊर्जा थपेको बताए । उनका अनुसार सागर गैरेले यात्रा गरेका स्थानहरूको भौगोलिक विवरण मात्र दिएका छैनन्, ती स्थानका मानिस, संस्कार, जीवनशैली र सभ्यताको अन्तध्र्वनिलाई पनि समेटेका छन् । नियात्राकार तथा लेखक प्रतीक ढकालले पुस्तकलाई विश्वलाई नेपाली दृष्टिकोणबाट बुझ्ने प्रयासका रूपमा व्याख्या गरे । लेखक गैरेले विदेशी भूगोल र समाजको वर्णन गर्दा आफ्नै देश, समाज र संस्कृतिसँग तुलना गर्ने शैली अपनाएको बताए । ढकालले नियात्रामा तथ्य, अनुभूति र साहित्यिक सौन्दर्यको सन्तुलन आवश्यक हुने उल्लेख गर्दै गैरेको कृतिमा ती तीनै पक्षको सन्तुलित उपस्थिति रहेको बताए ।

साहित्यकार तथा नियात्राकार दामोदर पुडासैनी किशोरले पुस्तकलाई विभिन्न देशका भूगोलभित्र मानव सभ्यताको विकासक्रम खोज्ने कृतिका रूपमा चित्रण गरे । उनले भ्रमण गरेका स्थानहरूलाई केवल मनोरञ्जनको विषय नबनाई त्यहाँको इतिहास, राजनीतिक परिवेश, सांस्कृतिक विविधता र सामाजिक संरचनासमेत समेटेको बताए । नियात्राकार जय छाङ्छाले पुस्तकको भाषाशैली, प्रस्तुतीकरण र दृश्यात्मक वर्णनलाई विशेष रूपमा प्रशंसा गरे । अनुसार लेखकले देखेका दृश्यहरूलाई शब्दमार्फत जीवन्त बनाउन सफल भए । साहित्यकार तथा नियात्राकार भवानी खतिवडाले पुस्तकले विश्व नागरिकताको चेतना विस्तार गर्ने धारणा व्यक्त गरिन् । उनले सीमित भूगोलमा केन्द्रित सोचलाई फराकिलो बनाउँदै विभिन्न संस्कृति, भाषा र जीवनपद्धतिप्रति सम्मान जगाउने क्षमता पुस्तकमा रहेको बताइन् ।

पुस्तकमा समेटिएका पाँच देशका अनुभवहरूले पाठकलाई फरक–फरक सभ्यता र जीवनशैलीसँग परिचित गराउँछन् । मलेसिया सम्बन्धी अध्यायहरूमा बहुसांस्कृतिक समाज, आधुनिक शहरी विकास र दक्षिणपूर्वी एसियाली जीवनशैलीको चित्रण गरिएको छ। भियतनाम को सन्दर्भमा युद्धको इतिहास, राष्ट्रिय आत्मसम्मान र तीव्र विकास यात्रालाई नियात्रात्मक शैलीमा प्रस्तुत गरिएको छ । कार्यक्रमका वक्ताहरूले कोहलपुर जस्तो मोफसलमा बसेर निरन्तर साहित्य साधनामा सक्रिय सागर गैरेले नेपाली नियात्रा साहित्यमा महत्वपूर्ण योगदान पु¥याउँदै गएको उल्लेख गरेका छन् ।

कार्यक्रममा सहभागीहरूले ‘एउटा अल्बाट्रस : प्रशान्त महासागरदेखि काला सागरसम्म’ लाई यात्रा संस्मरण नभइ विश्वका विविध समाज, संस्कृति र मानवीय अनुभूतिहरूलाई नेपाली भाषामा अभिलेखीकरण गर्ने महत्वपूर्ण साहित्यिक कृतिका रूपमा मूल्यांकन गर्नुपर्ने बताएका थिए ।

सम्बन्धित शीर्षकहरु

‘साहित्य मन थाइल्याण्ड’को रजत शृङ्खला सम्पन्न

साहित्य मन थाइल्यान्डको भानु जयन्ती

सागर गैरेको नियात्रा ‘एउटा अल्बाट्रस लोकार्पण

खाडीको विकास यात्रामाथि प्रोफेसर मियाँको नयाँ पुस्तक ‘बियन्ड आयल’ सार्वजनिक हुँदै

धूलोमा हीरा विमोचन

‘मेरो कविता कार्यक्रम’ नवपुस्ताका कवि लेखकहरुलाई हौसलामुलक प्रतिस्पर्धात्मक कार्यक्रम

‘आदर्श दिव्य दृष्टि’ दशैँ काव्य शृङ्खला– तीन सम्पन्न

खाद्यविद् बरालको `म:म:का पाइलाहरु´काे विमाेचन

शशी लुमुम्बूलाई ‘हङकङ साहित्यिक साझा शृङ्खला पुरस्कार’

संस्मरणात्मक निबन्ध सङ्ग्रह ‘अफगानिस्तानको आगो’ पोर्चुगलमा लोकार्पण