धूलोमा हीरा विमोचन

• रोजगारमञ्च
• मंसिर १६, २०८२
• 0

भूटानी समाज क्यान्टोवरी न्यूजिल्याण्ड ईन्कर्पोरेटेडद्वारा आयोजित साँस्कृतिक कार्यक्रम (भूटानी साँझ – ४) मा समाज सेवी तथा साहित्यकार गोपाल पौडेलको कविता सङ्ग्रह धूलोमा हीरा विमोचन भएको छ ।

कार्यक्रममा यसै समाजका प्रथम अध्यक्ष वासु मिश्र, एन आर एन ए न्यूजिल्याण्डका वर्तमान उपाध्यक्ष कृष्ण भण्डारी, नेपाली साहित्य समाज न्युजिल्याण्डकी उपाध्यक्ष नमिता दवाडी, पुलिस अफिसर सोनु डिगुची, क्राइस्चर्च रिसेटलमेट सर्भिसकी जेनरल म्यानेजर सेर्ली राइट जस्ता विशेष व्यक्तित्वहरुको उपस्थिति रहेको थियो ।

विमोचनपछि कृतिकार गोपाल पौडेलले आफू जहाँ रहे पनि नेपाली भाषा साहित्यमा निरन्तर लागिरहने धारणा राखेका थिए । पौडेलले भने, यी कविता मार्फत मैले नेपाली समाज र नेपाली जातिको एकताको लागि हार्दिक भावना प्रकट गरेको छु ।

यसैगरी, नेपाली साहित्य समाज न्युजिल्याण्डकी उपाध्यक्ष नमिता दवाडीले लेखकलाई शुभकामना दिदैँ नेपालभन्दा बाहिर पनि यति गहकिलो कविता कृति आएकोमा आफू निकै प्रसन्न भएको धारणा राखेकी थिइन् । उनले भनिन्, नेपाली कवितामा आएको रुपान्तरण र परिवर्तन देख्न सकिन्छ यो संग्रहमा ।

कवि गोपाल पौडेलका यसअघि नै कथा भित्रको कथा, माछाहरुको सहर, हाम्रो पहिचान लगायतका कृतिहरु प्रकाशित भइसकेका छन् ।

सम्बन्धित शीर्षकहरु

‘साहित्य मन थाइल्याण्ड’को रजत शृङ्खला सम्पन्न

साहित्य मन थाइल्यान्डको भानु जयन्ती

सागर गैरेको नियात्रा ‘एउटा अल्बाट्रस लोकार्पण

खाडीको विकास यात्रामाथि प्रोफेसर मियाँको नयाँ पुस्तक ‘बियन्ड आयल’ सार्वजनिक हुँदै

धूलोमा हीरा विमोचन

‘मेरो कविता कार्यक्रम’ नवपुस्ताका कवि लेखकहरुलाई हौसलामुलक प्रतिस्पर्धात्मक कार्यक्रम

‘आदर्श दिव्य दृष्टि’ दशैँ काव्य शृङ्खला– तीन सम्पन्न

खाद्यविद् बरालको `म:म:का पाइलाहरु´काे विमाेचन

शशी लुमुम्बूलाई ‘हङकङ साहित्यिक साझा शृङ्खला पुरस्कार’

संस्मरणात्मक निबन्ध सङ्ग्रह ‘अफगानिस्तानको आगो’ पोर्चुगलमा लोकार्पण