लुमाको शैक्षिक भेटघाट सम्पन्न

• अशोज ४, २०८०
• 0

ई–लर्निङ बक्स (लुमा डिभाइस) शैक्षिक सामग्रीको आवश्यकता, महत्व र गुणस्तरीय उपयोगबारे हालै ललितपुरमा आयोजित एक भेटघाट कार्यक्रम सम्पन्न भएको छ ।

उक्त भेटघाटमा गण्डकी प्रदेशका पूर्व मुख्यमन्त्री पृथ्वी सुब्बा गुरुङले विद्यार्थीहरुले ज्यादै रुचाउँदै गएको लुमा शैक्षिक सामग्रीको महत्वमाथि विचार राखेका थिए । गुरुङले भने–‘एउटै सामग्रीबाट शिक्षक, विद्यार्थी रमाई–रमाई पढ्न पाउने भएकाले यो लुमा यति धेरै लोकप्रिय हुँदै गएको छ ।’

भेटघाटमा लुमाका प्रोग्राम कोअर्डिनेटर नन्दलाल भण्डारीले आगामी दिनमा यो डिभाइसलाई अझै परिमार्जन गरी निर्माण गरिने धारणा राखेका थिए । भण्डारीले भने– ‘समय सापेक्ष यसलाई अझै रोचक, बहुउपयोगी र विद्यार्थी मैत्री बनाउने छौं ।’

भेटघाटमा शैक्षिक अभियन्ता रमेश घले, लुमाका प्रोग्राम मेनेजर कविन मानन्धर, विक्रम न्यौपाने लगायतले लुमाबारे आफ्नो धारणा राखेका थिए ।

भिलेज सोलुसन प्राइभेट लिमिटेडद्वारा उत्पादित उक्त शैक्षिक सामग्री अहिले गोरखा, लमजुङ, कास्की, पर्वत, बाग्लुङ, तनहूँ, काभ्रेपलाञ्चोक, नवलपुर, धादिङ, रुपन्देही र ललितपुर लगायतका जिल्लामा निकै उपयोगी भएका छन् ।

हालसम्म विभिन्न जिल्लाका ५६ विद्यालयमा यो सामग्री विद्यार्थी तथा शिक्षकहरुले उपयोग गरिरहेका छन् । कक्षा १ देखि कक्षा १२ सम्म पाठ्यक्रम विकास केन्द्रद्वारा स्वीकृत तथा उपलब्ध विषयहरुको पाठ्य सामग्री समावेश गरी लुमा डिभाइस तयार गरिएको छ ।

सम्बन्धित शीर्षकहरु

‘नेपाली साहित्यको अवस्था भुटानभित्र अति नाजुक छ’ केशव वैरागी माइला

संचारकर्मी होम कार्कीलाई ‘अनेसास शिखर पुरस्कार’

युवराज नयाँघरेको १९ औं कृति ‘आगोको बीउ’ लोकार्पण

पत्रकार सुधीर शर्माका दुई पुस्तक एकसाथ विमोचन

युवराज नयाँघरेको निबन्धसंग्रह ‘आगोको बीउ’ बजारमा

रमजान अली मियाँको पुस्तक ‘नमाज’ राष्ट्रियसभा अध्यक्ष दाहालले गरे विमोचन

मदन पुरस्कार मोहन मैनालीको ‘मुकाम रणमैदान’लाई, योगेन्द्रप्रसाद यादवलाई जगदम्बा श्री

पोर्चुगलमा नेपाल–पोर्चुगल दर्पण प्रकाशित

गोर्खा लाहुरेको कथा बोकेको साहित्यकार राईको उपन्यास ‘किवाहाङ’ माथि परिचर्चा

साहित्यकार राजकुमार राईद्वारा लिखित उपन्यास ‘किवाहाङ’ बजारमा