सिलाउदा नसिलाइने, एक्लो मन

• बैशाख २२, २०८०
• 0

च्यातिएको फेर
पसिना पुछेर
निचोर्दा
पिरिक्क फाट्यो
उध्रेको भए पो
फाटेको रहेछ
सिलाउदा नसिलाइने ।।।
एक्लो मन
अमुर्त कल्पनामा
सल्बलाउदा
च्वास्स दुख्यो
बाहिरि घाउ भए
मलम लगाउथे
भित्रीघाउको मलम
किन हो नपाइने।।।
सिरानिले टाउको
थिचे जस्तो भयो
निस्सासिएर
कोल्टे फेरें तर
कोल्टे फेर्दा
पिडा नफेरिने।।।
तोक्माले थेगेको
ढाकरको भार
बिसाउन्जेल मात्र हो
बिसाउदैमा भार
नसाटिने।।।
सगैको साथीले
सुसेले पछि
थाप्लोमा नाम्लो
मनमा पीर
आफ्नो भारी
आफै बोक्नै पर्ने।।।
अक्करको भिर
खप्परको बोझ
हात्ती छाप
भुक्के चप्पल
तिखो दर्शन ढुङ्गाले
छेडे पछि
पैतालोमा घ्वाच्च घोच्यो।
चप्पल फेर्दैमा
घाउ निको नहुने ।।।
यस पालि त
भुक्के चप्पल फेरे
पैतालोमा
भलायोको ठेलोले पोले
बाहिरी घउ त निको भयो
किन हो
भित्री घाउको
मलम नपाउने ???
किन हो फाटेको मन
सिलाउदा नअडिने ?
कोल्टे फेर्दा
पिडा नफेरिने ?

सम्बन्धित शीर्षकहरु

‘साहित्य मन थाइल्याण्ड’को रजत शृङ्खला सम्पन्न

साहित्य मन थाइल्यान्डको भानु जयन्ती

सागर गैरेको नियात्रा ‘एउटा अल्बाट्रस लोकार्पण

खाडीको विकास यात्रामाथि प्रोफेसर मियाँको नयाँ पुस्तक ‘बियन्ड आयल’ सार्वजनिक हुँदै

धूलोमा हीरा विमोचन

‘मेरो कविता कार्यक्रम’ नवपुस्ताका कवि लेखकहरुलाई हौसलामुलक प्रतिस्पर्धात्मक कार्यक्रम

‘आदर्श दिव्य दृष्टि’ दशैँ काव्य शृङ्खला– तीन सम्पन्न

खाद्यविद् बरालको `म:म:का पाइलाहरु´काे विमाेचन

शशी लुमुम्बूलाई ‘हङकङ साहित्यिक साझा शृङ्खला पुरस्कार’

संस्मरणात्मक निबन्ध सङ्ग्रह ‘अफगानिस्तानको आगो’ पोर्चुगलमा लोकार्पण