‘साहित्य कलाश्री’ पुरस्कार नयाँघरेलाई

• चैत्र २७, २०७९
• 0

साहित्य कला सङ्गम दमकले भव्यताका साथ पुरस्कार अर्पण समारोह सम्पन्न गरेको छ । गोरखा डिपार्टमेन्ट स्टोर दमकको सभाकक्षामा सम्पन्न उक्त कार्यक्रममा ७ जना स्रष्टाहरू पुरस्कृत भएका थिए ।

साहित्यकार चूडामणि रेग्मी, असम डिगबोइ निवासी साहित्यकार युद्धवीर राना, इलाम निवासी नारी स्रष्टा प्रतिभा पौडेल, धनकुटा निवासी साहित्यकार मुकुन्द प्रयास र सुरुङ्गा झापा निवासी मूर्तिकार हिम्मत नेम्वाङ गरी ५ जना व्यक्तित्वलाई भवानी मिश्र पुरस्कार २०७९ प्रदान गरिएको थियो ।

यसैगरी हाल काठमाडौंमा बसोबास गर्दै आएका मदन पुरस्कारले समेत विभूषित भइसकेका चर्चित निबन्धकार–नियात्राकार युवराज नयाँघरेलाई साहित्य कलाश्री पुरस्कार २०७९ प्रदान गरिएको थियो ।

झापा गौरादह निवासी, चर्चित गीत गौरादहको बजारैमा माया हाम्रो बस्यो लगायत विभिन्न लोकगीतका सङ्कलक तथा गायक, सीताराम ताजपुरियालाई पनि नगद रु. ३५०००, दोसल्ला, मायाको चिनो र सम्मानपत्र सहितको तुलसादेवी न्यौपाने स्मृति पुरस्कार प्रदान गरिएको थियो ।

कार्यक्रममा नेपाल प्रज्ञाप्रतिष्ठानका कुलपति भुपाल राई, संचारकर्मी चन्द्र भण्डारी, दमक नगरप्रमुख रामकुमार थापा, प्राज्ञसभा सदस्य सुमित्रा वाङ्देल चेली, पूर्व प्राज्ञसभा सदस्य सुभद्रा भट्टराईले पूर्वेली स्रष्टा, साहित्य र सिर्जनात्मक गतिबारे चर्चा गरेका थिए ।

साहित्य कला सङ्गम दमकका अध्यक्ष विष्णु न्यौपानेको अध्यक्षता र महासचिव दीपक सुवेदी तथा सचिव विवश बलिभद्र कोइरालाको संयुक्त सञ्चालनमा भएको उक्त कार्यक्रममा उपाध्यक्ष बिन्दु दाहाल मूकदर्शकले कार्यक्रमको औचित्यमाथि प्रकाश पार्दै स्वागत मन्तव्य राखेका थिए ।

सम्बन्धित शीर्षकहरु

तिमि आउ है नयाँ बर्ष मनाउन

रक्तदाता समाजका अध्यक्ष न्यौपानेको मैनालीलाई श्रद्धाञ्जलीपत्र

अस्ट्रेलियामा साहित्यिक विमर्श आयोजना

न्युजिल्यान्डमा `कथा भित्रको कथा´ विमोचित

साहित्यकार कर्ण दयाल “सोराडी” को ८ औं मुक्तककृति “रुपान्तरण”को लोकार्पण

लुमाको शैक्षिक भेटघाट सम्पन्न

‘सुन्दरप्रसाद शाह दुःखी स्मृति पुरस्कार’ जैशीलाई प्रदान

थाइ नेपाली संघसँग तनक्खा र लुमा

साहित्य : वैदेशिक रोजगारीबाट खुरुखुरु पैसा पठाएकी रनकुमारी हरेक कुराले रित्तै भई !

मखनीले मनमा कुरा खेलाइरही –‘बौवा, समस्या अरु धेरै छन्, ती कसरी मिलाउने ?’