‘मैले देखेको कतार’ रमजान बाबुले भोगेको र देखेको पुस्तक सार्वजनिक
- रोजगारमञ्च
- कार्तिक २२, २०७८
- 0
कतारलाई कर्मथलो बनाउँदै आएका प्रो. मोहम्मद रमजान अली मियाँको ३७ औं पुस्तक ‘मैले देखेको कतार’ बजारमा आएको छ ।
लामो समय कतार र नेपाललाई नजिकबाट नियालेका रमजान बाबुको पुस्तक उपराष्ट्रपति नन्दबहादुर पुनले लोकार्पण गरेपछि बजारमा आएको हो ।
पुस्तक बिमोचन गर्दै उपराष्ट्रपति पुनले पुस्तकमा लेखकले नेपाल र कतारको बिस्तृत इतिहास, कतारमा नेपालीजनको इतिहास, कुटनैतिक, आर्थिकलगायतको सम्बन्धहरु र नेपाली कामदारले कतारलाई समृद्द बनाउन गरेको योगदानहरुको चर्चा गरेकोले कतारबारे जान्न चाहनेलाई यो पुस्तक अति उपयोगी हुने बताएका थिए ।
नेपाली श्रम र पसिनाले निर्मित कतार हेर्न आफू पनि इच्छुक रहेको उपराष्ट्रपति पुनको भनाइ रहेको थियो ।
आफ्ना नेपालीहरुले निर्माण गरेको आधुनिक र समृद्ध कतारको वास्तविकता लेखकले पुस्तकको ३ खण्डमा उजागर गरेका छन् । लेखकले कतार र नेपालको सम्बन्ध र सहकार्यलाई मसिनोढंगबाट उनेका छन् ।
मुस्लिम आयोगका अध्यक्ष समिम मियाँ अन्सारीले आफू कतार गएको बेला लेखक मियाले राष्ट्रिय मानव अधिकार आयोगको हेल्प डेस्कमार्फत अन्याय र पीडामा परेका नेपाली श्रमिकहरुको उद्दार र सहयोग गरेको स्मरण गरे ।
पुस्तक नेपाल–कतार सम्बन्ध हेर्ने चस्मा हो– पुस्तकबारे टिप्पणी गर्दै ओमनका लागि पूर्व राजदुत शर्मिला पराजुली ढकालले भनिन् – ‘लेखकले राजदूतको भूमिका निभाउनु भएको छ ।’ यस पुस्तकले नेपाली समुदाय र दूतावासको सम्बन्ध कस्तो हुनुपर्छ भन्ने विषयलाई उजागर गरेको उनको भनाइ रहेको छ ।
लेखक मियाँले सन् २००७ को अप्रिलदेखि १ नोभेम्बर, २०२१ बीच लेखिएको यो पुस्तक कतार–नेपाल जोड्ने पुल भएको बताइएको छ । लेखकले नेपालीलाई श्रमिक नभएर समृद्ध कतारका सहयात्री भनेर टिप्पणी गरेका छन् । सन् २०२० सम्म कतारमा दुई हजार ५७७ जना नेपालीको ज्यान गइसकेकाले समृद्ध कतारमा नेपाली श्रमको उच्च मूल्याङ्कन हुनुपर्ने उनको भनाइ थियो ।
प्रकाशक घोस्ट राइटिङ नेपालका अध्यक्ष कमल ढकालले यो पुस्तक नेपालीलाई कतार बुझ्न इन्साइक्लोपेडिया सरह भएको बताएका छन् ।
पुस्तकको मूल्य साधारणका लागि ७ सय ५० रुपैया र हार्ड कभरको १ हजार ५ सय रुपैया तोकिएको छ । यस पुस्तकबाट प्राप्त रकम आर्थिक विपन्नताका कारण अंग्रेजी पढ्न नपाएका इस्लामिक मदरसाका बालबालिकाको अध्ययनमा खर्च गरिने जनाइएको छ ।
0 प्रतिक्रिया
गोदावरी नगरभित्रका वनमा लागेको डढेलो नियन्त्रण बाहिर, एक जनाको मृत्यु
ललितपुरको गोदावरी नगरपालिकाका विभिन्न सामूदायिक बनमा लागेको आगलागी नियन्त्रण बाहिर गएको छ । वडा नम्बर ४ स्थिति तपेश्वर सामुदायिक वनमा […]
दोहोरो अंकले बढ्यो सेयर बजार, ४ अर्ब ८० करोडको कारोबार
सेयर बजार परिसूचक नेप्से मंगलबार दोहोरो अंकले बढेको छ । कारोबार रकममा पनि उत्साहप्रद बढोत्तरी छ । बजार परिसूचक २५.९३ […]
काठमाडौंको गोठाटारमा खुल्यो अन्तर्राष्ट्रिय स्तरको शिक्षा प्रदान गर्ने युरो किड्स, स्थापनाको अवसरमा ५० जना विद्यार्थीहरुको लागि विशेष छात्रवृत्तिको व्यवस्था
विश्वभर करिब १४ सय भन्दा बढी शाखा रहेको प्रि-स्कुल युरो किड्सको नयाँ शाखा काठमाडौं गोठाटारमा संचालनमा आएको छ । विगत […]
जलवायु परिवर्तनबाट उत्पन्न जोखिम न्यूनीकरण गर्न साझा प्रयास जरुरी : मन्त्री बस्नेत
ऊर्जा जलस्रोत तथा सिँचाइमन्त्री शक्तिबहादुर बस्नेतले जलवायु परिवर्तनका कारण उत्पन्न जोखिम न्यूनीकरणका लागि सबैको साझा प्रयासको खाँचो रहेको बताएका छन् […]
संसदीय समितिलाई क्रियाशील बनाउन सभापतिहरुलाई सभामुखको निर्देशन
सभामुख देवराज घिमिरेले संसदीय समितिका सभापतिहरुलाई महत्वपूर्ण बिषयहरु चाँडो छलफल गरेर टुंग्याउन र आउँदो बजेट अधिवेशनमा संसदमा प्रस्तुत हुने वातावरण […]
