‘छुटेका अनुहार’लाई पद्मश्री पुरस्कार,  पद्मश्री सम्मान पन्तलाई 

• भदौ ११, २०७६
• 0

खेमलाल-हरिकला लामिछाने समाज कल्याण परिषद् २०७५ सालको ‘पद्यश्री साहित्य पुरस्कार’ निबन्धकार रमेश सायनको संस्मरण ‘छुटेका अनुहार’ कृतिलाई र वर्षको ‘पद्मश्री साधना सम्मान’ इतिहासकार महेशराज पन्तलाई प्रदान गरिएको प्रतिष्ठानद्वारा जारी विज्ञप्तिमा जारी गरिएको छ ।

‘छुटेका अनुहार’मा लेखक सायनले आफैँले भेटेर छुटेका केही अनुहार र तिनको मनोवृत्तिको चित्रण गरिएको छ । पद्मश्री साधना सम्मान पाएका डा पन्त पाँच दशकदेखि नेपाली इतिहास र संस्कृतिलाई लिपिबद्ध गर्ने अन्वेषक हुन् । डा पन्तले दुई सय बढी शोध लेख्नुका साथै ६ वटा पुस्तक प्रकाशित गरेका छन् । २००९ सालमा पिता नयनराज पन्तले शुरु गरेको संशोधन मण्डलका अभियन्ता डा महेशराज पन्तले २०२१ सालदेखि इतिहास प्रधान पूर्णिमा प्रकाशन गरिरहेका छन् । प्रामाणिक अनुसन्धान तथा त्यसलाई नेपाली वाङ्मयमा स्थापित गरेका महेशराज पन्तको योगदानलाई कदर गर्दै २०७५ सालको पद्मश्री साधना सम्मान अर्पण गर्ने निर्णय गरिएको खेमलाल हरिकला लामिछाने प्रतिष्ठानका अध्यक्ष जीवा लामिछानेले बताए ।

पद्मश्री साहित्य पुरस्कार र पद्मश्री साधना सम्मानको राशि दुई लाख रूपैयाँ छ । ०६३ सालदेखि खेमलाल हरिकला लामिछाने प्रतिष्ठानले पुरस्कार तथा सम्मान प्रदान गर्दै आएको छ ।

सम्बन्धित शीर्षकहरु

तिमि आउ है नयाँ बर्ष मनाउन

रक्तदाता समाजका अध्यक्ष न्यौपानेको मैनालीलाई श्रद्धाञ्जलीपत्र

अस्ट्रेलियामा साहित्यिक विमर्श आयोजना

न्युजिल्यान्डमा `कथा भित्रको कथा´ विमोचित

साहित्यकार कर्ण दयाल “सोराडी” को ८ औं मुक्तककृति “रुपान्तरण”को लोकार्पण

लुमाको शैक्षिक भेटघाट सम्पन्न

‘सुन्दरप्रसाद शाह दुःखी स्मृति पुरस्कार’ जैशीलाई प्रदान

थाइ नेपाली संघसँग तनक्खा र लुमा

साहित्य : वैदेशिक रोजगारीबाट खुरुखुरु पैसा पठाएकी रनकुमारी हरेक कुराले रित्तै भई !

मखनीले मनमा कुरा खेलाइरही –‘बौवा, समस्या अरु धेरै छन्, ती कसरी मिलाउने ?’