मलेसिया रोजगारी खुल्ने तयारीमा छ : परराष्ट्र मन्त्री ज्ञवाली
गुल्मीका पहिरोपीडितलाई वैदेशिक रोजगार व्यवसायीले गरे ७ लाख सहयोग
- साउन ९, २०७६
- 0
परराष्ट्र मन्त्री प्रदिप कुमार ज्ञवालीले कामदारलाई आर्थिकभार नपार्ने गरी मलेसिया रोजगारी खुलाउने तयारी अन्तिम चरणमा पुगेको बताएका छन् । उनले स्वदेशमा नै रोजगारी नहुँदासम्म वैदेशिक रोजगारीको विकल्प नभएको भन्दै यसलाई सुरक्षित र मर्यादित बनाउन सरकार गम्भिरढंगले लागिरहेको समेत बताएका छन् ।
गुल्मीको सत्यवती गाउपालिकामा गएको भिषण पहिरोमा परी मृत्यु भएका तथा पीडित भएकाहरुको सहयोगार्थ रकम हस्तान्तरण गर्न गएको नेपाल वैदेशिक रोजगार व्यवसायी संघका पदाधिकारीहरुसँग मन्त्री ज्ञवालीले उक्त कुरा बताएका हुन् ।
वैदेशिक रोजगारका समस्याका वारेमा परराष्ट्र मन्त्रीलाई व्यवसायीहरुले जानकारी गराएता पनि उनले मलेसिया रोजगारीका बारेमा धेरै बोल्न चाहेनन् । मन्त्री ज्ञवालीले भने–‘ मलेसिया रोजगारीका विषयमा हामीले यसअघिनै प्रष्ट पारिसकेका छौ, अव खोल्ने गरी काम भइरहेको छ ।’
परराष्ट्र मन्त्री प्रदिप कुमार ज्ञवालीको कार्यकक्षमै पुगेर बिहिबार संघका अध्यक्ष रोहन गुरुङसहितको व्यवसायीहरुको टोलीले गुल्मीको पहिरोपीडितका लागि ७ लाख रुपैया नगद सहयोग प्रदान गरेको छ ।
सहयोग रकम बुझदै मन्त्री ज्ञवालीले गुल्मीका प्रमुख जिल्ला अधिकारीसँग तत्काल टेलिफोन सम्पर्क गरेर उक्त सहयोग रकम सीधै गुल्मीकै राहतकोषमा जम्मा हुने व्यववस्था मिलाउन तथा पीडितहरुमाझ उक्त सहयोग सहीढंगमा पु¥याउन निर्देशन दिएका थिए ।
मन्त्री ज्ञवालीको गृहजिल्ला रहेको गुल्मीको उक्त घटनाबाट ११ जनाको मृत्यु भएको थियो भने ६ सयभन्दा बढी परिवार पीडित बनेका छन । सहयोग रकम हस्तान्तरण गर्दै संघका अध्यक्ष गुरुङले वैदेशिक रोजगार व्यवसायनै मन्दी र संकटको अवस्थामा रहेको वर्तमान परिस्थितीकाबीच पनि प्राकृतिक प्रकोप पीडितका लागि सानो भएपनि सहयोग गर्ने प्रयत्न गरेको बताएका थिए । मन्त्री ज्ञवालीले सहयोगका लागि व्यवसायीहरुलाई धन्यवाद ज्ञापन गरेका थिए ।
सहयोग हस्तान्तरणकै अवसर पारेर व्यवसायीहरुले मन्त्री ज्ञवालीसँग वैदेशिक रोजगार व्यवसायमा रहेको समस्याका बारेमा जानकारी गराउदै परराष्ट्र मन्त्रालयलाई त्यसको समाधानको पहलका लागि आग्रह गरेका थिए । सो अवसरमा व्यवसायीहरुले मुख्यतया मागपत्र प्रमाणिकरणको कठिनाई, मलेसिया रोजगारी तथा पोल्याण्ड रोजगारीको विषय उठाएका थिए ।
सो अवसरमा संघका अध्यक्ष गुरुङसहित महासचिव सरोज पोखरेल, सचिव इश्वर जिसी, सल्लाहकार पदमराज पौडेललगायतका कार्यसमिति सदस्य तथा व्यवसायीहरु सहभागी थिए ।
0 प्रतिक्रिया
नेप्से परिसूचक ४.१९ अंकले बढ्यो
सेयर बजारको मापक नेप्से परिसूचक आज(विहीबार)४.१९ अंकले वृद्धि भएको छ । नेप्से शून्य दशमलव १५ प्रतिशतले बढेर २,६३०.७१ विन्दुमा बन्द […]
गैंडाको खाक तस्करीमा संलग्न रहेको आरोपमा एकजना पक्राउ
गैंडाको खाक तस्करीमा संलग्न रहेको आरोपमा मकवानपुरको हेटौंडा–८ स्थित कालिका टोलबाट बिहीबार एकजना पक्राउ गरिएको छ । जिल्ला प्रहरी कार्यालय […]
पर्यटन मन्त्रालयका सेवाहरु सातवटै प्रदेशमा विस्तार गर्ने तयारी
संस्कृति,पर्यटन तथा नागरिक उड्डनमन्त्री बद्री पाण्डेले मन्त्रालयका सेवाहरु सातवटै प्रदेशमा विस्तार गर्दै संघीयता सवलीकरणमा लागिरहेको बताएका छन् । विहीबार संघीयता […]
३९ वटा देशका लागि अलग अलग संसदीयमैत्री समूह गठन
संघीय संसद् सचिवालयले ३९ वटा देशमा संसदीय मैत्री समूह गठन गरेको छ । बिहीबार ३९ वटा देशमा संसदीय मैत्री समूह […]
जलवायु परिवर्तनका चुनौतीको सामना गर्न सबै जुट्नुपर्छ : प्रधानमन्त्री ओली
प्रधानमन्त्री केपी शर्मा ओलीले राष्ट्रिय र अन्तर्राष्ट्रियस्तरका सबै संस्था र व्यक्ति एकजुट भएर जलवायु परिवर्तनका चुनौतीको समाधानमा जुट्नुपर्ने बताएका छन् […]
