नेपाल बङ्गलादेश बैंकद्वारा सामुदायिक विकास समितिलाई आर्थिक सहयोग

मंसिर १९, २०७७
0

नेपाल बङ्गलादेश बैंकले काठमाडौं महानगरपालिका वडा नं ३२ सुविधानगरस्थित सामुदायिक विकास समितिलाई ३ लाख रुपैयाँ बराबरको आर्थिक सहयोग गरेको छ ।

बैंकको कमलादीस्थित प्रमुख कार्यलयमा भएको कार्यक्रममा बैंकका सहायक महाप्रबन्धक सलोनिका सिंह र प्रमुख संचालन अधिकृत सुरेश देवकोटाले समितिका सचिव हर्कबहादुर भट्टराईलाई रकम हस्तान्तरण गरेका थिए ।

सो समितिले स्थापना काल देखिनै आफ्नो क्षेत्र भित्र बाटो, दल, खानेपानी, विजुलीवत्ती, टोल सुधार मर्मत, मन्दिर निर्माण, पार्क उद्यान निर्माण तथा सरसफाईको कार्य अनवरत रुपमा गर्दै आएको छ ।

हस्तान्तरण गरिएको रकम सो समितिले निर्माण गरेको एक सामुदायिक पुस्तकालयका लागि आवश्यक पुस्तक खरिद तथा सोहि पुस्तकालयको व्यवस्थापनका लागि उपयोग गरिने समितिका सचिव भट्टराईले बताए ।