कुप्रथा छाउगोठबिरुद्धको नाटक ‘रातो भुमरी’

साउन ४, २०८३
0

काठमाडौं । अहिले पनि नेपालको सुदूरपश्चिम लगायत देशका पहाडी क्षेत्रमा विद्यमान छाउप्रथा कायम नै रहेको छ । यस्तै शहरी क्षेत्रमा समेत महिनावारी हुँदा छुन नुहने, भान्छामा जान नहुने, लोग्ने मान्छेको अनुहार हेर्न नहुने, मन्दिरमा जान नहुने तथा शुभकार्यमा जान नहुने जस्ता कुसंस्कार रहेको छ ।

कतिपय अवस्थामा छाउगोठमा बस्दाखेरी महिनावारी भएका कतिपय किशोरीहरुको सर्पले डसेर मृत्युहुने गरेको छ । भने कसैको बलात्कार हुने गरेको छ । यही कुप्रथाको बिरोधस्वरुप तयार पारिएको नाटक रातो भुमरी मञ्चन भएको छ ।

पहिलो पटक महिनावारी हुँदा छाउँगोठमा राख्ने कुप्रथाको विरुद्धमा तयार पारिएको नाटक मञ्चन गरिएको कलाकार जेबी डिसीले जानकारी दिए ।

नाटकमा जेबी डिसी, दीपमाला परियार, आशिष केसी, किरण बेबि,खुशी तामाङ र प्रतिभा राउतले अभिनय गरेका छन् ।

सौभाग्य सिंह राईलको लेखन रहेको नाटकको निर्देशन प्रल्हाद खरेलले गरेका छन् । भने, नाटकको प्रस्तुतकर्ता नेपाल नाट्यशाला र नेपाल मातृगृह रहेका छन् ।