कतारमा रहेका नेपालीले लिए ‘खुशी कला र स्वस्थ जीवनशैली’ सम्बन्धी प्रशिक्षण
- रोजगारमञ्च
- जेष्ठ ६, २०८१
- 0
संखुवासभा समाज कतारले कतारमा रहेका नेपालीहरुलाई ‘खुशी कला र स्वस्थ जीवनशैली’ सम्बन्धी प्रशिक्षण कार्यक्रम गरेको छ । योग एवम् आहार विशेषज्ञ तथा बरिष्ठ उत्प्रेरक डा. राजु अधिकारीले प्रशिक्षण दिएका हुन् ।
सनैयाको प्लाजा मलमा रहेको लाली गुराँस रेस्टुरेन्टमा गत शुक्रवार सम्पन्न प्रशिक्षणका लागि डा. राजु अधिकारी दोहा पुगेका थिए ।
‘संखुवासभालीको पहिचान, विश्व सामु चिनाउने हाम्रो अभियान’ भन्ने मुलमन्त्रलाई आत्मसात गर्दै विभिन्न सामाजिक कार्य गर्दै आएको सामाजिक सेवाको निम्ति स्थापना भएको संखुवासभा समाज, कतारले फरक प्रकारको कार्यक्रम सम्पन्न गरेको हो ।
नेपाली दुतावासका प्रथम सचिव कृष्णकुमार सुबेदीको प्रमुख आतिथ्यता रहेको कार्यक्रममा नेपालबाट आमन्त्रित योगबिज्ञ डा.अधिकारी प्रमुख आकर्षक तथा विशिष्ट अतिथिको रूपमा रहेका थिए ।
गैरआवासीय नेपाली संघ कतारका अध्यक्ष रमेश भट्टलगायत दोहामा स्थापित पचास भन्दा बढी संग संस्थाबाट संस्थाका प्रमुख तथा प्रतिनिधिहरु विशेष अतिथ्यता रहेको कतारबासी नेपाली दाजुभाइ तथा दिदिबहिनीहरुको बाक्लो उपस्थिति रहेको थियो ।
संखुवासभा समाज कतारले आफ्नो परोपकारी कोषको श्रीवृद्धिको सहयोगार्थ कार्यक्रम गरेको समाजका महासचिव पदमप्रसाद सिंखडाले जानकारी दिए ।
योग एवम् आहार विशेषज्ञ तथा बरिष्ठ उत्प्रेरक डा. राजु अधिकारीको सहजीकरणमा तनाव व्यबस्थापन, जीवनशैली र स्वस्थ आहार, आनन्दमय जीवन पद्धतिका प्रमुख आधारमा रहेर बिशेष प्रशिक्षण कार्यक्रम गर्ने पाउदा धेरै खुसी मिलेको अध्यक्ष राजेन्द्र खनालले बताए ।
अहिलेको अवस्थामा खानपानले गर्दा नै विभिन्न दीर्घ रोगबाट पीडित भइ अकालमा ज्यानै गुमाउनु पर्ने अबस्था सिर्जना भएको हुँदा खानपान र योग आवश्यक रहेको प्रशिक्षक डा. अधिकारीले जानकारी दिए ।
करिब तीन घण्टासम्म चलेको कार्यक्रममा जीवन उपयोगी धेरै टिप्स मिल्दा कतारमा रहेका नेपालीहरुले खुशी व्यक्त गरे ।
फरक प्रकारको कार्यक्रममा सहभागी भएकोमा प्रमुख अतिथि रहेका नेपाली नियोग कतारका प्रथम सचिव सुबेदीले संखुवासभा समाज कतारलाई कार्यक्रम आयोजना गरेकोमा धन्यवाद व्यक्त गरे । उनले कतारमा रहेका अन्य सस्थाले पनि यस्तै प्रकारका जनचेतनामूलक कार्यक्रम गर्नेमा पनि अपेक्षा गरे ।
प्रशिक्षण कार्यक्रममा शारीरिक र मानसिक स्वास्थ्यमा प्रत्यक्ष लाभ लिनको लागि अपनाउनु पर्ने जीवनशैली र ग्रहण गर्ने आहार (भोजन) का बारेमा जानकारी गराइएको थियो । साथै जीवन उपयोगी ज्ञान प्राप्त भएको र आफुले प्राप्त गरेको ज्ञान आफ्नो साथीहरूलाई पनि सेयर गर्न समाजका अध्यक्ष राजेन्द्र खनालले अनुरोध गरेका छन् ।
कार्यक्रममा समाजका उपाध्यक्ष बिरेन मादेनले स्वागत गरेका थिए भने कार्यक्रमको सहजीकरण महासचिव पदम प्र सिम्खडाले गरेका थिए । कार्यक्रममा सहभागीलाई सहभागिता प्रमाणपत्र पनि बितरण गरिएको थियोे ।
0 प्रतिक्रिया
मित्रराष्ट्रहरुसँग हाम्रो सम्बन्ध सुमधुर हुनुपर्छ : मन्त्री सिंह
उपप्रधानमन्त्री एवम् शहरी विकासमन्त्री प्रकाशमान सिंहले मित्रराष्ट्रहरुसँग हाम्रो सम्बन्ध राम्रो हुनुपर्ने बताएका छन् । शनिबार क्षेत्रपाटी अस्पतालले आयोजना गरेको विद्युतीय […]
काठमाडौंका यी स्थानमा आज ७ घण्टा विद्युत् अवरूद्ध
काठमाडौंका विभिन्न स्थानहरूमा शनिबार पाँचदेखि साढे ६ देखि ७ घण्टासम्म विद्युत अवरूद्ध हुने भएको छ । नेपाल विद्युत प्राधिकरणले रत्नपार्क […]
महोत्तरी जिल्ला प्रशासनका नासु घुससहित पक्राउ
अख्तियार दुरुपयोग अनुसन्धान आयोगको टोलीले जिल्ला प्रशासन कार्यालय महोत्तरीका नायब सुब्बालाई २० हजार रुपैयाँ घुससहित पक्राउ गरेको छ । सवारी […]
लगानी जुटेसँगै मनाङ मर्स्याङ्दी जलविद्युत् आयोजना निर्माण सुरु
मनाङ मर्स्याङ्दी जलविद्युत् कम्पनीद्वारा प्रवर्दित एक सय ३५ मेगावाट क्षमताको अर्धजलाशययुक्त मनाङ मर्स्याङ्दी जलविद्युत् आयोजनाको वित्तीय व्यवस्थापनसँगै निर्माण प्रारम्भ भएको […]
एमाले महासचिवले भने– ‘मेयर बालेनको प्राथमिकता सरसफाइ नभएर स्टण्टबाजी हो’
काठमाडौं महानगरपालिकाले दरबारमार्गमा आयोजित नेकपा (एमाले)को जागरण सभाका क्रममा भएको फोहोरका लागि एक लाख जरिवाना लगाएपछि एमाले महासचिव शंकर पोखरेलले […]
