युएईमा नेपालीका लागि निःशुल्क स्वास्थ्य शिविर सम्पन्न
एक सय भन्दा बढी नेपालीले स्वास्थ्य जाँच
- पुस १५, २०७५
- 0
युएईमा एक दिने निःशुल्क स्वास्थ्य शिविर सम्पन्न भएको छ । गैरआवासीय नेपाली संघ राष्ट्रिय समन्वय परिषद यूएईको आयोजना र अहलिया अस्पताल आबुधाबीको प्राबिधिक सहयोगमा गत शुक्रबार यूएईको आबुधाबीमा एकदिने निःशुल्क स्वास्थ्य शिविर सम्पन्न भएको हो ।
नेपाली तथा विदेशी चिकित्सकद्वारा स्वास्थ्य परीक्षण गरिएको उक्त शिविरमा रक्तचाप, सुगर, इसिजी र रगत तथा अन्य जाँच गरिएको गैरआवासीय नेपाली संघ राष्ट्रिय समन्वय परिषद यूएईका प्रबक्ता मनु क्षेत्रीले बताए ।
सो शिबिरमा एक सय भन्दा बढी नेपालीले स्वास्थ्य जाँच गराएका थिए ।