अन्तराष्ट्रिय झापाली समाजको दोश्रो क्षेत्रीय भेला कोरियामा हुँदै

भदौ ३१, २०७५
0

विश्वभर छरिएर रहेका झापा जिल्लावासीहरुको साझा संस्था अन्तर्राष्ट्रिय झापाली समाजको दोश्रो क्षेत्रीय भेला दक्षिण कोरियाको राजधानी सिओलको नोबोटेल होटलमा यही सेप्टेम्बर २४ देखि २६ सम्म हुने भएको छ ।

‘समृद्ध झापाको लागि अन्र्तराष्ट्रिय झापाली समाज’ भन्ने नाराको साथमा हुन गैरहेको भेला ३ दिनसम्म चल्ने छ । समाजले विश्वका विभिन्न मुलुकमा रहेका आफ्नो संजाललाई समेटने गरी ५ वटा क्षेत्रीय सम्मेलन गर्ने निर्णय गरेकोमा दोश्रो भेला दक्षिण कोरियामा गर्न लागेको हो र । यसअघि पहिलो क्षेत्रीय भेला कतारको राजधानी दोहामा भएको थियो ।

स्थापनाको छोटो समयमा नै २ दर्जनभन्दा बढी मुलुकमा शाखा संजाल गठन गरिसकेको समाजको दोश्रो भेलामा विश्वभरबाट सयौ प्रतिनिधीहरु सहभागी हुने अन्र्तराष्ट्रिय झापाली समाजका प्रवक्ता महेन्द्र चौलागाईले जानकारी दिए ।

समाजले आगामी २ वर्षभित्र ४० भन्दा बढी देशमा आफ्नो संजाल पु¥याउने जानकारी दिएको छ ।

सम्बन्धित शीर्षकहरु