उत्तम भट्टराईको नियात्रा संग्रह ‘आहा हिमाल’ विमोचित
- रोजगारमञ्च
- अशोज ११, २०७५
- 0
नियात्राकार उत्तम भट्टराईको नियात्रा संग्रह ‘आहा हिमाल’ को आज विमोचन सम्पन्न भएको छ । विश्व पर्यटन दिवशको अवसर पारेर सार्वजनिक गरिएको उक्त नियात्रा संग्रह रोजगार मिडिया प्रा.लिले प्रकाशन गरेको हो ।
अन्तर्राष्ट्रिय नेपाली साहित्य समाजका अध्यक्ष राधेश्याम लेकाली, वरिष्ठ नियात्राकार युवराज नयाँघरे, लेखिका लाक्पा फुटी शेर्पा, नेपाल माउन्टेन एकेडेमीका कार्यकारी निर्देशक रोमनाथ ज्ञवाली, कृतिकार उत्तम भट्टराई तथा प्रकाशक रोजगार मिडियाका प्रबन्ध निर्देशक उद्धव भट्टराईले उक्त कृति संयुक्त रुपमा विमोचन गरेका थिए ।
अन्तर्राष्ट्रिय नेपाली साहित्य समाजका अध्यक्ष लेकालीले शुभकामना मन्तव्य व्यक्त गर्दै यात्रा साहित्य अहिले सबैभन्दा पढिने विधा भएको र यो कृतिले नेपाली पर्यटनका धेरै नदेखिने पक्ष समेटेको हुनाले अन्तर्राष्ट्रियस्तरमा यो विशेष कृतिका रुपमा जान सक्ने विचार पोखे ।
कृतिको समीक्षा गर्दै नियात्राकार युवराज नयाँघरेले नेपालका हिमाल र हिमाली संस्कृतिको प्रचार प्रसारमा यो कृतिले अहम् भूमिका खेल्ने धारण व्यक्त गरे ।
लेखिका शेर्पाले ‘आहा हिमाल’ मार्फत् नेपालका हिमाल र यसको पर्यटकीय सौन्दर्यको गहिरो चर्चा भएको बताइन् ।
कार्यकारी निर्देशक ज्ञवालीले लेखक भट्टराईसँग अनुभूतिको अथाह शक्ति रहेको नेपाली पर्यटन र हिमालको जनजीवनको सुन्दर संयोजन रहेको धारण व्यक्त गर्नुभयो । उहाँले विश्व पर्यटन दिवसकै दिन आहा हिमाल विमोचन गर्न पाउँदा खुशी व्यक्त गर्नुभयो ।
यसैगरी रोजगार मिडियाका प्रबन्ध निर्देशक उद्धव भट्टराईले आफुहरुले आप्रवासन, रोजगार र आर्थिक विषयका अलवा विविध समसामयीक विषय समेटने क्रममा यस कृतिको प्रकाशन गरेको बताउदै कृतिले नेपाली पर्यटन र यात्रा साहित्यमा ठूलो परिचय दिन सक्ने विचार व्यक्त गरे ।
कृतिका लेखक उत्तम भट्टराईले आफूले नेपालका विभिन्न हिमाली क्षेत्राम घुम्दाका अनेकौं अनुभूति मार्फत् नेपाली समाज र पर्यटकीय संसारलाई उतार्ने प्रयास गरेको विचार राखेका थिए ।
लेखक भट्टराईको यो पहिलो कृति हो । यस कृति बाहेक लेखकका प्रशस्त फुटकर रचना प्रकाशित भइरहेका छन् । पर्यटन, साहित्य र संचारमा सम्बद्ध भट्टराई सक्रिय सामाजिक अभियन्ता हुन् । उनी अनेक संघ, संस्थामा आबद्ध छन् । लेखक भट्टराई यस रोजगार मिडिया प्रालिका निर्देशक पनि हुन ।
0 प्रतिक्रिया
आत्महत्या न्यूनीकरणका लागि समझदारीपत्रमा हस्ताक्षर
गृहमन्त्रालय र काठमाडौं विश्वविद्यालयको मानसिक स्वास्थ्य विभागबिच मानसिक स्वास्थ्य अध्यायन–अनुसन्धानका लागि समझदारीपत्रमा हस्ताक्षर भएको छ । सोमबार विहान गृह मन्त्रालयका […]
अपाङ्गता भएका व्यक्तिहरुको परिचय पत्रमै विभेद, व्यक्तिगत सहयोगी नहुँदा समस्या
प्रतिनिधि सभा महिला तथा सामाजिक मामिला समितिका सभापति किरण कुमार शाहले अपाङ्गता भएका व्यक्तिहरुको अधिकारका लागि संविधानमा स्पष्ट व्यवस्था रहेकाले […]
भारत र बेलायतसहित ५ देशका राजदूतले लिए शपथ
विभिन्न देशका लागि नवनियुक्त पाँच जना राजदूतले पद तथा गोपनीयताको शपथ लिएका छन् । आज सोमबार महाराजगञ्जस्थित राष्ट्रपतिको कार्यालयमा राष्ट्रपति […]
आवासीय चिकित्सकलाई सरकारीसरह निर्वाह भत्ता दिन स्वास्थ्य मन्त्रीलाई कार्यदलको सुझाव
चिकित्सा शिक्षाको स्नातकोत्तर तहमा भर्ना हुने आवासीय चिकित्सकको निर्वाह भत्ता सम्बन्धमा सुझाव दिन स्वास्थ्य तथा जनसंख्या मन्त्री प्रदीप पौडेलले गठन […]
भ्रष्टाचार अभियोगमा आठ जनाविरुद्ध मुद्दा दायर
अख्तियार दुरुपयोग अनुसन्धान आयोगले भ्रष्टाचार अभियोगमा आठ जनाविरुद्ध मुद्दा दायर गरेको छ । धादिङको रुबीभ्याली गाउँपालिकाका तत्कालीन प्रमुख प्रशासकीय अधिकृत […]
