भारत, अमेरिका र बेलायतसहित ११ देशका राजदूत फिर्ता बोलाउने सरकारको निर्णय

जेष्ठ २४, २०८१
0

सरकारले ११ देशका राजदूतहरूलाई फिर्ता बोलाउने निर्णय गरेको छ ।

मन्त्रिपरिषद्को बिहीबारको बैठकले भारत, अमेरिका बेलायतसहित ११ देशका राजदूतहरू फिर्ता बोलाउने निर्णय गरेको हो ।

कांग्रेससहितका दलको राजनीतिक कोटामा राजदूत बनेकाहरू फिर्ताको सूचीमा परेका हुन् । अघिल्लो गठबन्धनका बेलामा राजदूत बनेकाहरू नयाँ गठबन्धन सरकार बनेसँगै फिर्ता बोलाएको हो ।

मन्त्रिपरिषद्ले फिर्ता बोलाएका राजदूतहरूमा भारत, अमेरिका, बेलायत, कतार, साउदी अरब, दक्षिण कोरिया, स्पेन, मलेसिया, पोर्चुगल, डेनमार्क र इजरायलका रहेको संचार तथा सूचना प्रविधिमन्त्री रेखा शर्माले जानकारी दिइन् ।