घोराहीमा गुठीपीडित किसान र प्रहरीबीच झडप, प्रहरीद्वारा अश्रुग्यास प्रहार

जेष्ठ २०, २०८१
0

दाङमा गुठी पीडित किसान र प्रहरीबीच झडप भएको छ ।

घोराहीमा स्वर्गद्वारी गुठी पीडित किसानले घोराहीस्थित नापी र मालपोत कार्यालयमा तालाबन्दी गर्न खोजेपछि प्रहरीले हस्तक्षेप गर्ने क्रममा झडप भएको हो ।

प्रहरीले स्थिति नियन्त्रणमा लिन लाठी चार्ज गर्नुका साथै अश्रुग्यास प्रहार गरेको छ । आफूहरूले जोतभोग गर्दै आएको गुठीको जमिनको लालपुर्जा पाउनुपर्ने उनीहरूको माग छ ।

झडपमा प्रहरी र प्रदर्शनकारीतर्फका कयौँ घाइते भएका छन् । एकजना प्रहरीको ढुंगा लागेर दाँत नै भाँचिएको छ ।