बागमती प्रदेशका मुख्यमन्त्री जम्कट्टेलले आज विश्वासको मत लिँदै

• चैत्र १९, २०८०
• 0

बागमती प्रदेशका मुख्यमन्त्री शालिकराम जम्कट्टेलले आज विश्वासको मत लिने तयारी गरेका छन । नेपाली कांग्रेसले सरकारबाट बाहिरिँदै समर्थन फिर्ता लिएपछि मुख्यमन्त्री जम्कट्टेलले विश्वासको मत लिने तयारी गरेका हुन ।

विश्वासको मत लिने प्रयोजनका लागि बागमती प्रदेशसभाको बैठक दिउँसो १ बजे बोलाइएको छ। सरकारमा सहभागी दलले समर्थन फिर्ता लिएमा ३० दिनभित्र विश्वासको मत लिनुपर्ने संवैधानिक व्यवस्था अनुसार मुख्यमन्त्री जम्कट्टेलले २२ चैतभित्र विश्वासको मत लिइसक्नुपर्नेछ।

मुख्यमन्त्रीको दल नेकपा माओवादी केन्द्रका सचेतक रत्नप्रसाद ढकालले गत शुक्रबार नै जम्कट्टेलले विश्वासको मत लिनेसम्बन्धी प्रस्ताव प्रदेशसभा सचिवालयमा दर्ता गराएका थिए।

१ सय १० सदस्यीय प्रदेशसभामा विश्वासको मतको लागि ५६ मत आवश्यक पर्छ। नेकपा एमाले, माओवादी केन्द्र, एकीकृत समाजवादी र हाम्रो नेपाली पार्टीबीच मुख्यमन्त्रीलाई विश्वासको मत दिने सहभति भएको भनिएपनि एकिकृत समाजवादीले अड्को थापिरहेको छ।

एकीकृत समाजवादीले बागमती वा कोशीमा मुख्यमन्त्री पाउनुपर्ने माग गरेको छ। कोशीमा एकीकृत समाजवादीको ४ सीट छ भने बागमतीमा ७ सीट छ।

प्याकेजमै भागबन्डा गरेर आफूहरुलाई सम्मानपूर्वक भाग दिनुपर्ने समाजवादीको माग छ। बागमतीमा एमालेको २७, माओवादी केन्द्रको २१, एकीकृत समाजवादीको ७ र हाम्रो नेपाली पार्टीको दुई सिट छ।

सम्बन्धित शीर्षकहरु

संसदमा बोल्न पाउँ भन्दै रवि लामिछानेले दिए निवेदन

शीर्ष नेताहरुसँगको छलफलपछि सभामुखले भने- ‘अधिवेशन बेरोकटोक चलाउने बाटो खुल्यो’

समितिले माग्यो रक्षा मन्त्रालयसँग जवाफ

संसदीय छानविन समिति बनाउनुपर्ने कांग्रेसको अडान कायमै

सरकारी अस्पतालको आँखा छलेर अन्यत्र काम गर्ने स्वास्थ्यकर्मी निगरानीमा

प्रतिनिधि सभामा खुम्चिए उपप्रधानमन्त्री यादव

एमाले रसुवाको अध्यक्षमा ढकाल सर्वसम्मत

सरकार परिवर्तन गर्न अनेक षड्यन्त्र भइरहेका छन् : महासचिव पोखरेल

विपद् व्यवस्थापनको अभ्यास अवलोकन गर्न सुदुरपश्चिमका जनप्रतिनिधि ललितपुरमा

रास्वपा संसदीय दलको बैठक आज बस्दै