बागमती प्रदेशका मुख्यमन्त्री जम्कट्टेलले चैत्र १९ गते विश्वासको मत लिने

• चैत्र १६, २०८०
• 0

बागमती प्रदेश सरकारले १९ गते सोमबार विश्वासको मत लिने भएको छ। मुख्यमन्त्री शालिकराम जम्कट्टेलले चैत १९ गते विश्वासको मत लिनेगरी माओवादी केन्द्रका मुख्य सचेतक रत्न ढकालले आज प्रदेशसभा सचिवालयमा प्रस्ताव दर्ता गरेका हुन्।

केन्द्रमा सत्ता गठबन्धन फेरबदल भएसँगै बागमती प्रदेशमा २३ फागुनमा काङ्ग्रेसले आफ्नो ६ जना मन्त्री फिर्ता बोलाएर सरकारलाई दिएको समर्थनसमेत फिर्ता लिएको थियो। सरकारलाई दिएको समर्थन फिर्ता भएसँगै संवैधानिक व्‍यवस्थाअनुसार ३० दिनभित्र मुख्‍यमन्त्री जम्कट्टेलले विश्वासको मत लिन लागेका हुन्।

बागमती प्रदेशमा सरकार गठनका लागि नेकपा एमाले, माओवादी केन्द्र, एकीकृत समाजवादी र हाम्रो नेपाली पार्टीबीच बिहीबार पाँचबुँदे सहमतिसमेत भएको छ। वर्तमान प्रदेशसभामा बाँकी पूरै कार्यकालका लागि सहकार्य गरी सत्ता गठबन्धन गर्ने उल्लेख छ।

११० सदस्यीय बागमती प्रदेशसभामा सरकार बनाउन ५६ सांसद चाहिन्छन्। एमाले, माओवादी र एकीकृत समाजवादी र हानेपाका कुल सांसद ५७ छन्। प्रदेशसभामा हानेपा सरकारमा सहभागी भएसँगै मुख्यमन्त्री जम्कट्टेलले विश्वासको मत प्राप्त गर्ने अवस्था देखिएको छ।

सम्बन्धित शीर्षकहरु

जसपाको केन्द्रीय कार्यकारिणी समिति बैठक बस्दै

लागुपदार्थ सेवन गरी सवारी चलाउने ६ जना चालक प्रहरी नियन्त्रणमा

औषधी व्यवसायीलाई साथ दिन मन्त्रालय सधैं तत्पर : स्वास्थ्यमन्त्री श्रेष्ठ

इलाममा प्रमुख दलका उम्मेदवारले गरे मतदान

आज पहाडमा मेघगर्जन र चट्याङसहित वर्षा र तराईमा हावाहुरीको सम्भावना

अवैध सुन र एक करोड ४३ लाख नगदसहित सातजना पक्राउ

प्रधानमन्त्री र चिनियाँ टोलीबीच भेटवार्ता, नेपालमा लगानी बढाउन चिन इच्छुक

शेखर कोइरालाको प्रश्न– डढेलोको क्षति बढेको बढ्यै छ, सरकार किन यति असंवेदनशील ?

जनता समाजवादी पार्टीको कार्यकारिणी समिति बैठक बस्दै

नियमभन्दा बाहिर व्यक्तिगत सुरक्षामा खटिएका सुरक्षाकर्मी फिर्ता बोलाउन गृहमन्त्रीको निर्देशन