इलाम–२ मा एमालेले सुहाङसहित ६ जना आकांक्षीको नाम केन्द्रमा पठायो

• चैत्र ४, २०८०
• 0

वैशाख १५ गते हुने इलाम क्षेत्र नम्बर २ को उपनिर्वाचनका लागि नेकपा एमालेले ६ जनाको नाम केन्द्रमा सिफारिस गरेको छ । उम्मेद्वारका लागि सहमति जुटाउन प्रयास गरे पनि सफल नभएपछि निवेदन दिएका सबैको नाम सिफारिस गरिएको हो ।

पार्टी इलाम जिल्ला कमिटीको आज बसेको सचिवालय बैठकले दिवंगत सुवास नेम्वाङका छोरा सुहाङ नेम्वाङसहित ६ जनाको नाम सिफारिस गरेको हो ।

पार्टीको केन्द्रीय कमिटीले एक महिलासहित ३ जनाको नाम सिफारिस गर्न भने पनि सहमति जुट्न नसक्दा ६ जनाकै नाम केन्द्रमा पठाइएको सचिव उमेश गुरुङले बताए ।

पार्टी जिल्ला कमिटीले नेम्वाङ, नरेन्द्र भट्टराई, देवी क्षेत्री दुलाल, रवीन्द्र सुवेदी, बुद्धि खनाल र रिपल राईको नाम सिफारिस गरेको हो ।

सकेसम्म सहमति जुटाएर पठाउने तयारी गरी उम्मेदवार बन्ने इच्छा राखेर निवेदन दिएका सबैलाई राखेर छलफल गरिए पनि सहमति जुट्न सकेन । कसैले पनि आफ्नो निवेदन फिर्ता लिन नचाहेको गुरुङले बताए ।

अब पार्टीको केन्द्रीय कमिटीले नै ती ६ जनामध्येबाट उम्मेदवारको टुंगो लगाउने उनले जानकारी दिए ।

सम्बन्धित शीर्षकहरु

कोशी प्रदेश सरकारका विकासका कार्यक्रम नमूना छन् : मुख्यमन्त्री कार्की

एकीकृत निर्वाचन व्यवस्थापन विधेयकप्रति सरकारको वेवास्ता : प्रमुख आयुक्त थपलिया

डढेलोले सोलुखुम्बुका दश घर खरानी, दर्जनौं पशुचौपाया मरे

प्रेस स्वतन्त्रताको पक्षमा लालटिन बालेर प्रदर्शन

आज मन्त्रिपरिषद बैठक बस्दै

अत्याधिक गर्मीका कारण बिहीबार र शुक्रबार बुटवलका विद्यालय बन्द

सुदूरपश्चिमका मुख्यमन्त्री सोडारीले शुक्रबार विश्वासको मत लिने

अब प्रविधिको उच्चतम प्रयोगबाट मात्रै मुलुकमा सुशासन र समृद्धि : सञ्चारमन्त्री शर्मा

एमाले जुम्लाको अध्यक्षमा शान्तिलाल महत निर्वाचित

कोशी र गण्डकीमा मेघगर्जनसहित वर्षाको सम्भावना