बागलुङकी ६५ वर्षीया वृद्धालाई कोरोना संक्रमण पुष्टि, कतार एयरलाइन्सबाट आएकी थिइन नेपाल

• रोजगारमञ्च
• चैत्र २०, २०७६
• 0

बागलुङकी ६५ वर्षीया वृद्धालाई कोरोना संक्रमण भएको पुष्टि भएको छ । राष्ट्रिय जनस्वास्थ्य प्रयोगशाला टेकुले बिहीबार गरिएको परीक्षणमा कोरोना संक्रमण पोजेटिभ भेटिएको पुष्टि गरेसँगै नेपालको कोरोना संक्रमितको संख्या ६ पुगेको छ ।

स्वास्थ्य तथा जनसंख्या मन्त्रालयमा बिहीबार आयोजित पत्रकार सम्मेलनमा मन्त्रालयका प्रवक्ता डा विकास देवकोटाले बिहीबार कोरोना संक्रमणको नतिजा पोजेटिभ आएको बिरामी बागलुङकी ६५ वर्षकी वृद्ध महिला भएको जानकारी दिएका हुन ।

यी वृद्धा कोरोना संक्रमित काठमाडौंकी १९ वर्षकी युवतीसँगै चैत ४ गते दोहा हुदै कतार एयरलाइन्समा नेपाल आएकी थिइन् । संक्रमित दुवैजना आफन्त रहेको बताइएको छ । अहिलेसम्म उक्त जहाजमा नेपाल आउने तीन जनामा कोरोना संक्रमण पुष्टि भएको छ ।

कोरोना संक्रमण पुष्टि भएकी वृद्धाको स्वास्थ्य अवस्था सामान्य रहेको बताइएको छ । अहिले उनी बागलुङस्थित घरमै सुरक्षित बसिररहेको र उनलाई धौलागिरी अस्पताल लैजाने तयारी भइरहेको जनाइएको छ। उनीसँगै कतार एयरलाइन्सबाट आएकी अर्की संक्रमित युवती पनि सोही अस्पतालमा उपचाररत छिन्।

सम्बन्धित शीर्षकहरु

स्वदेश फर्किए कतारका राजा

कतारी अमिर शेख थानीको नेपाल भ्रमण : दुई देशबीच एक सम्झौता, सात समझदारीपत्रमा हस्ताक्षर

कर्णालीमा मन्त्रिपरिषद् विस्तार हुँदै, माओवादीबाट परियारको नाम सिफारिस

जस्तोसुकै स्वास्थ्य चुनौतीको सामना गर्न सक्नेगरी पूर्वाधार विकास गर्नुपर्छ : प्रधानमन्त्री दाहाल

जीपसँग ठोक्किँदा मोटरसाइकलमा सवार तीन जनाको मृत्यु

उपचुनाव : बुधबार मध्यरातिबाट प्रसारप्रचार गर्न नपाइने

कतारी राजा थानी र प्रधानमन्त्री दाहालबीच आज भेटवार्ता हुँदै, विभिन्न सम्झौतामा हस्ताक्षर हुने

गोरखा भूकम्पको ९ वर्ष पूरा, जोखिम उस्तै

चार प्रदेशमा मेघगर्जन र चट्याङसहित वर्षाको सम्भावना

राष्ट्रपति पौडेलद्वारा कतारका राजाको सम्मानमा रात्रिभोज आयोजना