तिमि आउ है नयाँ बर्ष मनाउन

• नवराज बाँस्कोटा
• चैत्र ३०, २०८०
• 1

तिमि आउ है नयाँ बर्ष मनाउ

मेरा धेरै चाहानाहरु

नयाँ पालुवा र पात जस्तै

झर्छन अनि पलाउछन

म झरेकालाइ हेर्छु

बटुल्छु, अनि आगो लगाछु ।

अभाबमा, विस्वासको , श्रोत र साधनको

साहासको , समयको र साथको

मैले मेरा चाहाना बटुलेर

मज्जाले आगो लगाएको छु ।

तिमिले मेरो माया मलाई नै नभनी

सुटुकै पोलेको रात

हामीले सङगै राप तापेका थियौँ

तिमिले आङ्ग सेकाउदा

मैले मन भिजाएको थिएँ ।

मेरा आखाँ रसाउदा

धुवालाइ दोष लाएको थिएँ ।

तिम्रो चित्त नदुखोस भनेर

मेरो आँत मारेको थिएँ

तिमिले छिट्टै भेट्ने आशामा

बिदा माग्दा ।।।

अलि पर पुगेर हात हल्लाउदा ।।।

फर्की फर्की हेर्दा ।।।

मेरो मन अचानोमा

भुत्ते खुकुरीले छकछकाइ रहेको थिएँ।

तिमिले चङ्गाको धागो काटेउ।

मैले तिम्रो हातको लट्टाइ हेरेर

उडी रहेँ ।।।

तिमिले मेरो साथ छोडी सक्दा पनि

मैले तिम्रो हात खोजी रहें ।

साथ खोजी रहे ।।।

अभाबमा,

विस्वासको, श्रोत र साधनको

साहासको, समयको र साथको

मैले धेरै रहरहरु

बटुलेर आगो लगाएको छु ।

राप र तापमा आङ्ग सेकेको छु ।

आखाँहरु रसाउदा धुवा लाइ दोष

लगाएको छु।।।

भित्ताको पात्रो महिनै पिच्छे पल्टि रहन्छ

म असमञ्जस मा कोल्टे फेरी रहन्छु

बर्ष सकिन्छ

भित्तामा नयाँ पात्रो

मनमा नयाँ रहर

फेरि झुन्डाउछु

पुराना रहरहरु फेरि झर्छन

बटुल्छु र

पोल्छु ।।।

कुडिएको मनमा

समयले नुन चुक दलेकै छ

भाग्यले टुक्रा टुक्रा पारेकै छ

आशाको झिरमा मिलाएर उन्छु

तिमि पनि आउ है

म नयाँ बर्ष यो पल्ट पनि

रहरको धुनी तापेर

धुम धाम ले मनाउछु ।।।

सम्बन्धित शीर्षकहरु

‘नेपाली साहित्यको अवस्था भुटानभित्र अति नाजुक छ’ केशव वैरागी माइला

संचारकर्मी होम कार्कीलाई ‘अनेसास शिखर पुरस्कार’

युवराज नयाँघरेको १९ औं कृति ‘आगोको बीउ’ लोकार्पण

पत्रकार सुधीर शर्माका दुई पुस्तक एकसाथ विमोचन

युवराज नयाँघरेको निबन्धसंग्रह ‘आगोको बीउ’ बजारमा

रमजान अली मियाँको पुस्तक ‘नमाज’ राष्ट्रियसभा अध्यक्ष दाहालले गरे विमोचन

मदन पुरस्कार मोहन मैनालीको ‘मुकाम रणमैदान’लाई, योगेन्द्रप्रसाद यादवलाई जगदम्बा श्री

पोर्चुगलमा नेपाल–पोर्चुगल दर्पण प्रकाशित

गोर्खा लाहुरेको कथा बोकेको साहित्यकार राईको उपन्यास ‘किवाहाङ’ माथि परिचर्चा

साहित्यकार राजकुमार राईद्वारा लिखित उपन्यास ‘किवाहाङ’ बजारमा