१० नारी स्रष्टाले गरे कथा वाचन

• भदौ ६, २०७५
• 0

ललितपुर /कथा लेखनमा नारी स्रष्टाहरुको सहभागिता वृद्धि गर्ने उद्देश्यले कथावाचन तथा अन्तरक्रियाको आयोजना गरिएको छ ।

नेपालभाषा परिषदको आयोजनामा ललितपुरमा भएको सो कार्यक्रममा नयाँ तथा पुराना पुस्ताका १० नारी स्रष्टाले कथा वाचन गरे । कार्यक्रममा मोतिलक्ष्मी शाक्य, मनदेवी तण्डुकार, रेवती राजभण्डारी, निजिरोस न्याछ्यों, सरस्वती तुलाधर, रेणु श्रेष्ठ, मीना बज्राचार्य, अमिरमैयाँ रञ्जित र नलि बज्राचार्यले नारी समस्यामाथि केन्द्रित समसामयिक कथा वाचन गरेका थिए ।

गोष्ठीमा प्रमुख अतिथि कथाकार जलेश्वरी श्रेष्ठले नारी स्रष्टाहरु कथा लेखनमा सक्षम छन् भन्दै आफ्ना कुरालाई सिर्जनामार्फत अझ जोडदार रुपले भन्नुपर्ने बताए। परिषदका सचिव तथा कथाकार धु्व मधिकर्मीले गोष्ठी तथा अन्तरक्रिया जस्ता कार्यले लेखनलाई सबल बनाउन र समयसापेक्ष बनाउन मद्दत पुग्ने बताए ।

परिषद्का अध्यक्ष प्रा सुवर्ण शाक्यको सभापतित्वमा भएको सो गोष्ठीमा कवि नवीन चित्रकार, पुष्परत्न तुलाधर, निर्मल बज्राचार्य र भवानी तुलाधर लगायतले कथा साहित्यमाथि आफ्नो धारणा राखेका थिए ।

सम्बन्धित शीर्षकहरु

तिमि आउ है नयाँ बर्ष मनाउन

रक्तदाता समाजका अध्यक्ष न्यौपानेको मैनालीलाई श्रद्धाञ्जलीपत्र

अस्ट्रेलियामा साहित्यिक विमर्श आयोजना

न्युजिल्यान्डमा `कथा भित्रको कथा´ विमोचित

साहित्यकार कर्ण दयाल “सोराडी” को ८ औं मुक्तककृति “रुपान्तरण”को लोकार्पण

लुमाको शैक्षिक भेटघाट सम्पन्न

‘सुन्दरप्रसाद शाह दुःखी स्मृति पुरस्कार’ जैशीलाई प्रदान

थाइ नेपाली संघसँग तनक्खा र लुमा

साहित्य : वैदेशिक रोजगारीबाट खुरुखुरु पैसा पठाएकी रनकुमारी हरेक कुराले रित्तै भई !

मखनीले मनमा कुरा खेलाइरही –‘बौवा, समस्या अरु धेरै छन्, ती कसरी मिलाउने ?’