भिजिट भिसामा खाडी मुलुक र मलेसिया जान नपाउने निर्णय संशोधन, यस्ता व्यक्ति जान पाउने
- माघ ९, २०७८
- 0
गृह मन्त्रालयले खाडी मुलुक र मलेसियामा भिजिट भिसामा जान नपाउने निर्णय संशोधन गरेको छ ।
यसअघि कोरोना महामारीको बढ्दो संक्रमणका कारण सरकारले माघ १० बाट खाडी मुलुक र मलेसियामा भिजिट भिसामा जान रोक लगाएको थियो ।
तर, आज अर्को विज्ञप्ति जारी गर्दै गृह मन्त्रालयले आफ्नो निर्णय संशोधन गरेको हो । आज एक विज्ञप्ति जारी गर्दै भिजिट भिसामा जान सबैलाई रोक लगाउने निर्णयलाई मन्त्रालयले खुकुलो पारेको हो ।
संशोधित निर्णयअनुसार अब खाडी मुलुकबाहेक कम्तीमा दुई मुलुकको भ्रमण गरिसकेकालाई भ्रमण अनुमति दिइने भनेको छ । गृहप्रवक्ता फणिन्द्रमणि पोखरेलले जारी गरेको विज्ञप्तिमा बिरामीको कुरुवा वा रेखदेखका लागि जाने तीन पुस्ताभित्रका परिवारका सदस्यलाई पनि जान दिने भनिएको छ । त्यसका लागि नेपाली दूतावासको सिफारिस पत्र परराष्ट्र मन्त्रालयमार्फत आउनुपर्नेछ ।
त्यस्तै, वैदेशिक रोजगारी व्यवसाय प्रवद्र्धनका लागि जाने मेनपावर कम्पनीका सञ्चालक र आधिकारिक प्रतिनिधिलाई पनि जान दिने निर्णय गरेको छ । वार्षिक न्यूनतम ६ लाख रुपैयाँ करयोग्य भएर त्यसको आधा रकम बैंक खातामा बचत भएका र नेपालको कर प्रणालीमा आबद्ध व्यक्तिले पनि भिजिट भिसामा जान पाउनेछन् ।
त्यस्तै, नेपालमा सामान आयत–निर्यात गर्ने व्यावसायिक संस्थाका प्रतिनिधि, सरकारी कामको सिलसिलामा जाने प्रतिनिधि र अन्तर्राष्ट्रिय कारोबार गर्ने बैंक तथा वित्तीय संस्थाका प्रतिनिधिलगायत पनि भिजिट भिसामा जान पाउनेछन् ।
0 प्रतिक्रिया
गोदावरी नगरभित्रका वनमा लागेको डढेलो नियन्त्रण बाहिर, एक जनाको मृत्यु
ललितपुरको गोदावरी नगरपालिकाका विभिन्न सामूदायिक बनमा लागेको आगलागी नियन्त्रण बाहिर गएको छ । वडा नम्बर ४ स्थिति तपेश्वर सामुदायिक वनमा […]
दोहोरो अंकले बढ्यो सेयर बजार, ४ अर्ब ८० करोडको कारोबार
सेयर बजार परिसूचक नेप्से मंगलबार दोहोरो अंकले बढेको छ । कारोबार रकममा पनि उत्साहप्रद बढोत्तरी छ । बजार परिसूचक २५.९३ […]
काठमाडौंको गोठाटारमा खुल्यो अन्तर्राष्ट्रिय स्तरको शिक्षा प्रदान गर्ने युरो किड्स, स्थापनाको अवसरमा ५० जना विद्यार्थीहरुको लागि विशेष छात्रवृत्तिको व्यवस्था
विश्वभर करिब १४ सय भन्दा बढी शाखा रहेको प्रि-स्कुल युरो किड्सको नयाँ शाखा काठमाडौं गोठाटारमा संचालनमा आएको छ । विगत […]
जलवायु परिवर्तनबाट उत्पन्न जोखिम न्यूनीकरण गर्न साझा प्रयास जरुरी : मन्त्री बस्नेत
ऊर्जा जलस्रोत तथा सिँचाइमन्त्री शक्तिबहादुर बस्नेतले जलवायु परिवर्तनका कारण उत्पन्न जोखिम न्यूनीकरणका लागि सबैको साझा प्रयासको खाँचो रहेको बताएका छन् […]
संसदीय समितिलाई क्रियाशील बनाउन सभापतिहरुलाई सभामुखको निर्देशन
सभामुख देवराज घिमिरेले संसदीय समितिका सभापतिहरुलाई महत्वपूर्ण बिषयहरु चाँडो छलफल गरेर टुंग्याउन र आउँदो बजेट अधिवेशनमा संसदमा प्रस्तुत हुने वातावरण […]
