आमाछोरीलाई टर्कीमा राम्रो रोजगारीको प्रलोभन देखाई १० लाख लिने मानव बेचबिखनमा संलग्न दुई पक्राउ

• फाल्गुन १३, २०७७
• 0

आमाछोरीलाई टर्की पुर्‍याउने दुई जनालाई प्रहरीले नियन्त्रणमा लिएको छ । मानव बेचबिखनमा संलग्न दुई जनाले आमाछोरीलाई टर्कीमा राम्रो रोजगारीको प्रलोभन देखाई १० लाख रुपैयाँ लिएर टर्किस एअरलाइन्सद्वारा टर्की पुर्‍याएका थिए ।

प्रहरीले नियन्त्रणमा लिएको उनीहरु काठमाडौंको तार्केश्वर नगरपालिका जरङ्खु डेरा गरी बस्ने गोरखा नगरपालिका १ घर भएका जीवन भट्ट र माछापोखरी डेरा गरी बस्ने बाग्लुङ ढोरपाटन नगरपालिका ४ घर भएकी पूर्णिमा सिर्पाली बस्नेत रहेका छन् ।

काठमाडौंको सोल्टीमोडबाट मंगलबार भट्टलाई र बुधबार माइतीघरबाट बस्नेतलाई नियन्त्रणमा लिएको जनाइएको छ। उनीहरुलाई मानव बेचबिखन अनुसन्धान ब्यूरो बबरमहलको प्रहरीले पक्राउ गरेको हो ।

आमालाई टर्कीमा पूर्णिमाका बुवाले कोठामै बन्धक बनाइ राखेको र छोरीलाई टर्कीको बोर्डरमा पुर्‍याइ २ हजार लिरामा अन्य व्यक्तिलाई बिक्री गरेको बताइएको छ ।

छोरीलाई मंसिर ८ गते र आमालाई पुस २६ गते नेपाल फर्काइएको थियो । त्यसपछि उनीहरुले दिएको जाहेरीको आधारमा बेबिखनमा संलग्न दुई जनालाई नियन्त्रणमा लिएर थप अनुसन्धान गरिरहेको जनाइएको छ ।

सम्बन्धित शीर्षकहरु

श्रम तथा व्यवसायजन्य सुरक्षा विभाग र सामाजिक सुरक्षा कोषबीच सम्झौता

एक सय २० मुसहर मजदुरलाई भारतमा चरम श्रम शोषण, आठ महिना बन्धक

तराई वैदेशिक रोजगार व्यवसायी समाजको अध्यक्षमा नवल किशोर यादव चयन

रुसका लागि छिट्टै श्रम स्वीकृति खुलाउन आवश्यक पहल गर्ने श्रम मन्त्रीको प्रतिवद्धता

‘राष्ट्रिय श्रम तथा रोजगार सम्मेलन–२०८१’ फागुन १६ र १७ मा

‘वैदेशिक रोजगारबाट प्राप्त भएको रेमिट्यान्सलाई कमजोर नठानौं’

इटा उद्योगका मजदुर भन्छन् : ‘पारिश्रमिक थोरै भएपनि बाँच्नै परेको छ’

विदेश जानेको स्वास्थ्य परीक्षण गर्ने सबै संस्थामा बायोमेट्रिक प्रणाली लागु गर्न माग

सम्पर्कविहीन प्रहरीहरुलाई ७ दिन भित्र हाजिर हुन निर्देशन

मुगुका युवा रोजगारीका लागि भारत र ठूला सहरतिर पलायन