एक्काइस करोड लगानी गर्दै राष्ट्र बैङ्क

• माघ २१, २०७८
• 0

नेपाल राष्ट्र बैङ्कले बैङ्क तथा वित्तीय संस्थाको मुद्दती निक्षेपमा २१ करोड रुपियाँ लगानी गर्ने भएको छ । राष्ट्र बैङ्क कर्मचारी सुरक्षण कोषमा रहेको २१ करोड रुपियाँ वाणिज्य बैङ्क, विकास बैङ्क र फाइनान्स कम्पनीमा एक वर्ष अवधि (३६६ दिन)का लागि मुद्दती निक्षेपमा लगानी गर्न लागिएको हो ।

आगामी फागुन ४ देखि बैङ्कले उक्त रकम २०७९ फागुन ४ गतेसम्म मुद्दती राख्न लागेको राष्ट्र बैङ्कले कुल लगानी गरिने रकममध्ये ‘क’ वर्गका वाणिज्य बैङ्कमा १६ करोड ८० लाख रुपियाँ, ‘ख’ वर्गका विकास बैङ्कमा तीन करोड १५ लाख रुपियाँ र ‘ग’ वर्गका वित्त कम्पनीमा एक करोड पाँच लाख रुपियाँ लगानी गर्न लागेको हो ।

निक्षेप लिन चाहने बैङ्क तथा वित्तीय संस्थाले आफूले लिन चाहेको रकम तथा उक्त रकममा प्रदान गर्ने ब्याजदरसमेत उल्लेख गरी यही माघ २३ गते आइतबार बेलुका ५ बजेसम्म बोलकबोल पेस गर्नुपर्ने राष्ट्र बैङ्कले जनाएको छ । मुद्दती निक्षेपको ब्याज बैङ्क तथा वित्तीय संस्थाले मासिक रूपमा भुक्तानी गर्नुपर्ने राष्ट्र बैङ्कले जनाएको छ ।

राष्ट्र बैङ्कको निक्षेप लिन बैङ्क तथा वित्तीय संस्थाका लागि केही सर्तसमेत तोकेको छ । न्यूनतम पुँजी कोष कायम गरेको, सञ्चालनमा आएको कम्तीमा दुई वर्ष पूरा भएको, निष्क्रिय कर्जा कुल कर्जा सापटीको ५ प्रतिशतभन्दा कम हुनुपर्ने, निक्षेप लिनका लागि खुद तरल सम्पत्ति स्वदेशी निक्षेपको कम्तीमा २० प्रतिशत वा सोभन्दा बढी रहेको हुनुपर्ने राष्ट्र बैङ्कको सर्त छ ।

सम्बन्धित शीर्षकहरु

हुन्डाई मोटर एसेम्बलिङको शुभारम्भ, ‘लगानी सहजीकरण गर्न सरकार प्रतिबद्ध छ’ : प्रधानमन्त्री

स्वीस सरकारले नेपाललाई ९.०१ मिलियन स्विस फ्रयांक सहयोग गर्ने

निजी क्षेत्र सम्मिलित नयाँ चरणको सुधार आवश्यकः अध्यक्ष ढकाल

लेखापरीक्षकहरु राष्ट्रका आर्थिक पहरेदार हुन् : राष्ट्रपति

आगामी बजेटले अर्थतन्त्र चलायमान हुन्छ, नागरिक उत्साहित हुनेछन : अर्थमन्त्री

चन्द्र ढकाललाई कर्पोरेट एक्सिलेन्सी अवार्ड

अरुण बरुण सहकारी संस्थाको मातातिर्थ औंसी मनाकामनाको वृद्धाश्रममा

सेयर बजार परिसूचक घट्यो, फाइनान्स उपसमूहको भने अस्वाभाविक बढोत्तरी

‘औधोगिक विकासतर्फ अग्रसर हुन साना तथा घरेलु उद्यमशीलतालाई बढावा दिउ’

सेयर बजारमा झिनो सुधार, २.०६ अंकले बढ्यो नेप्से